جی سی یونیورسٹی عظیم علمی، فکری و تاریخی روایت دی امین درسگاہ اے، قائم مقام صدر مملکت سید یوسف رضا گیلانی

لاہور۔ 26 اپریل (اے پی پی) قائم مقام صدرِ مملکت سید یوسف رضا گیلانی آکھیے جو گورنمنٹ کالج یونیورسٹی لاہور عظیم علمی، فکری تے تاریخی روایت دی امین درسگاہ اے۔ نویں نسل کوں اپݨے تجربے منتقل کرݨ کیتے اولڈ راوینز ایسوسی ایشن دے زیرِاہتمام مربوط تے موثر مینٹور شپ نیٹ ورک بݨاوݨ ویلھے دی اہم لوڑھ اے۔ اے ڳالھ انہاں گزریل ݙٰنھ سالانہ عشائیہ 2026 توں بطور مہمانِ خصوصی خطاب کریندے آکھی اے۔ ایں موقع تے وفاقی وزیرسینیٹراعظم نذیر تارڑ، احسن اقبال، معین وٹو تے ٻئی شخصیات موجود ہن۔قائم مقام صدرِ مملکت آکھیے جو او ایں تقریب اچ ہک اولڈ راوین دے طور تے شریک تھئن۔ انھاں آکھیا جو جی سی یو طلبہ کوں آزادانہ سوچ، برداشت تے اختلافِ رائے دا احترام سکھائے جیڑھا جو اڄ دے منقسم عالمی ماحول اچ ٻہوں اہم اے۔ انھاں اپݨے طالب علمی دے دور دا ذکر کریندے آکھیا جو ہاسٹل دی زندگی تے دوستاں نال بحث انھاں دی شخصیت سازی اچ اہم کردار ادا کیتے۔ انھاں آکھیا جو ایں ادارے ملک کوں وزیراعظم شہباز شریف، نواز شریف، اسحاق ڈار تے ٻئے وݙے رہنما ݙتن۔ انھاں اولڈ راوینز ایسوسی ایشن تے زور ݙتے جو او نویں نسل دی رہنمائی کیتے ہک نیٹ ورک بݨاون۔ انھاں آکھیا اے جو مئی 2025 اچ بھارت دے بلا اشتعال حملے دا پاکستان ہک ذمہ دار ایٹمی ریاست دے طور تے تحمل نال جواب ݙتا ہئی۔