چانگشا۔ 26 اپریل (اے پی پی) صدرِ مملکت آصف علی زرداری چین دے صوبے حنان دے شہر چانگشا اچ سانی ہیوی انڈسٹری دا دورہ کیتے۔ ایوانِ صدر دے پریس ونگ توں جاری بیان موجب صدرِ مملکت صنعتی تعاون تے ٹیکنالوجی اچ شراکت داری تے زور ݙتے ۔ انھاں سانی کمپنی دی پیداواری صلاحیت تے معیار دی تعریف کیتی ۔ صدرِ مملکت آصف علی زرداری آکھیے جو سانجھے منصوبے پاکستان دے …
صدرِمملکت آصف علی زرداری دا چانگشا اچ سانی ہیوی انڈسٹری دا دورہ
چانگشا۔ 26 اپریل (اے پی پی) صدرِ مملکت آصف علی زرداری چین دے صوبے حنان دے شہر چانگشا اچ سانی ہیوی انڈسٹری دا دورہ کیتے۔ ایوانِ صدر دے پریس ونگ توں جاری بیان موجب صدرِ مملکت صنعتی تعاون تے ٹیکنالوجی اچ شراکت داری تے زور ݙتے ۔ انھاں سانی کمپنی دی پیداواری صلاحیت تے معیار دی تعریف کیتی ۔ صدرِ مملکت آصف علی زرداری آکھیے جو سانجھے منصوبے پاکستان دے انفراسٹرکچر تے صنعتی ترقی اچ مددگار ثابت تھی سڳد ہن۔کمپنی دے چیئرمین تانگ شیوگو صدرِ مملکت کوں بریفنگ ݙتی ۔ ݙسایا ڳئے جو سال 2024 دی آپریٹنگ آمدݨ 11.27 ارب ڈالر اے۔ صدرِ مملکت کوں فیکٹری دے آپریشنز تے جدید آٹومیشن دے بارے اچ وی بریف کیتا ڳئے۔ صدرِ مملکت آکھیے جو پاکستان کوں تعمیراتی مشینری، ڈیجیٹل مینوفیکچرنگ تے قابلِ تجدید توانائی دے شعبیں اچ تعاون ودھاوݨ دی لوڑھ اے۔ سینیٹر سلیم مانڈوی والا، شرجیل انعام میمن تے ٻئے اعلیٰ حکام وی صدرِ مملکت دے نال ہن۔
