پی ڈی ایم اے دا پورے صوبے اچ گرمی دی شدت اچ اضافے بارے الرٹ جاری

لاہور۔27 اپریل (اے پی پی) پی ڈی ایم اے پورے صوبے اچ گرمی دی شدت اچ اضافے بارے الرٹ جاری کر ݙتے، ایں سال مئی تے جون دے مہینے گرم ترین تھیوݨ دا امکان اے۔ ترجمان پی ڈی ایم اے دے مطابق جنوبی پنجاب اچ درجہ حرارت 52 ڈگری سینٹی گریڈ تئیں ونجݨ دا خدشہ اے جڈانجو بئے علاقیاں اچ مئی تے جون اچ درجہ حرارت 43 توں 45 ڈگری سینٹی گریڈ دے درمیان رہݨ دی توقع اے۔ حالیہ ڈینہوار اچ درجہ حرارت معمول توں 2 توں 4 ڈگری ودھ ریکارڈ کیتا ڳیا۔ ترجمان دے مطابق 29 اپریل توں 3 مئی تئیں جنوبی علاقیاں اچ ہلکی ہیٹ ویو دا امکان اے۔ ڈی جی پی ڈی ایم اے عمر جاوید شہریاں کوں ہدایت کیتی اے جو او شدید گرمی اچ احتیاطی تدابیر اختیار کرن، شہری دھپ اچ بلا ضرورت نکلݨ توں پرہیز کرن اتے پاݨی دا ودھ استعمال کرن۔ انہاں آکھیا جو کسان موسمی صورتحال دے مطابق فصلاں دی ݙیکھ بھال کرن۔ سارے متعلقہ ادارے الرٹ رہن اتے DEOCs اچ 24 گھنٹے سٹاف دی تعیناتی کوں یقینی ٻݨایا ونجے۔ انہاں آکھیا جو ریسکیو 1122 وی ہائی الرٹ رہے اتے فوری رسپانس یقینی ٻݨاوے۔ موٹروے پولیس کوں وی مسافراں دی رہنمائی کیتے ہدایت جاری کیتی ڳئی اے۔ ایمرجنسی دی صورت اچ پی ڈی ایم اے ہیلپ لائن 1129 تے رابطہ کیتا ونجے۔