معرکہ حق کوں ہک سال مکمل، بوکھلاہٹ دے شکار بھارت دی پاکستانی قومی خبر رساں ایجنسی (اے پی پی) دے سوشل میڈیا اکاؤنٹس تے پابندی

اسلام آباد۔28 اپریل (اے پی پی) معرکہ حق کوں ہک سال مکمل تھیوݨ آلا اے، جڈاں بھارت ہزیمت توں بچݨ کیتے بوکھلاہٹ دا شکار تھی تے ڈیجیٹل پلیٹ فارمز تے صحافتی ذمہ داریاں احسن طریقے نال نبھاوݨ تے پاکستانی قومی خبر رساں ادارے (اے پی پی) دے سوشل میڈیا ہینڈلز کوں پورے ملک اچ ہک سال پہلے بین کر ݙتا ہئی۔ بھارتی فالس فلیگ آپریشن دے جواب وچ ڄڈاں اے پی پی فیس بک تے حقائق تے مبنی قومی سالمیت، حکومتِ پاکستان، افواجِ پاکستان تے پاکستانی سول سوسائٹیز دے بیانیے دی بھرپور تشہیر شروع کیتی تاں بھارتی سورماواں توں ایندا کوئی جواب نہ ٻݨیا۔ جیندے تے مودی سرکار بوکھلاہٹ اچ آ تے 28 اپریل 2025 کوں اے پی پی دے فیس بک پیج تے ٻئے سوشل میڈیا ہینڈلز تے بھارتی حدود اچ مکمل پابندی لا ݙتی ہئی۔ پہلگام واقعے دے بعد بھارتی جھوٹے بیانیے تے وزیراعظم شہباز شریف تے وزیر اطلاعات عطاء اللہ تارڑ اے پی پی کوں خصوصی ہدایات ڈتی ہن جو انھاں الزامات دا منہ ٻھن جواب ݙتا ونڄے۔ اے پی پی دے ڈیجیٹل میڈیا بھارت دے جعلی پروپیگنڈے کوں بے نقاب کر تے اوندی نندر حرام کر ݙتی۔ یاد رہے جو بھارت ولوں سب توں پہلے اے پی پی دے سوشل میڈیا کوں بند کیتا ڳیا جیڑھا ایں گالھ دا ثبوت اے جو قومی ادارے ڈیجیٹل وار اچ ملک دی سالمیت تے پاک افواج دا شانہ بشانہ ساتھ ݙتا اتے سچ تے مبنی بیانیہ چلا تے بھارتی حکومت کوں ناکوں چنے چبوائے۔