وفاقی وزیر جام کمال خان نال تاجک سفیر شریف زادہ یوسف توئر دی ملاقات، تجارت تے ٹرانزٹ تعاون ودھاوݨ تے اتفاق

اسلام آباد۔29 اپریل (اے پی پی) وفاقی وزیر تجارت جام کمال خان نال تاجکستان دے سفیر شریف زادہ یوسف توئر بدھ کوں ملاقات کیتی۔ ملاقات اچ پاکستان تے تاجکستان وچال تجارت تے ٹرانزٹ تعاون ودھاوݨ تے اتفاق کیتا ڳیا ڄڈانجو ݙوپاسہ تجارت تے علاقائی رابطے تگڑے بناوݨ تے وی گالھ مہاڑ تھئی۔ وفاقی وزیر تجارت آکھیا جو لاجسٹکس حب تے جدید ٹرانسپورٹ نظام نال خطے اچ رابطے تگڑے تھیسن۔ تاجک سفیر آکھیا جو تاجکستان دی اضافی بجلی پاکستان کوں برآمد کیتی ونج سڳدی اے اتے ݙوہیں ملکاں اچ ایلومینیم دی تجارت دے وی مواقع موجود ہن۔