اسلام آباد۔ 29 اپریل (اے پی پی) سپیکر قومی اسمبلی سردار ایاز صادق وطنِ عزیز دے دفاع تے سلامتی کیتے جاناں دا نذرانہ پیش کرݨ آلے شہداء کوں خراجِ عقیدت پیش کریندیں ہوئیں آکھیا اے جو پوری قوم انھاں بہادر سپوتاں کوں سلام پیش کریندی اے جنھاں اپنی جان دی پرواہ کیتے بغیر ملک دے دفاع کوں ناقابلِ تسخیر بݨایا۔ بدھ کوں یومِ شہداء دے موقع تے آپݨے سنیھے اچ …
پاکستان دے شہداء دہشت گردی، انتہاپسندی تے بیرونی خطریاں دے خلاف بے مثال جرات تے قربانی دا مظاہرہ کیتے: سردار ایاز صادق
مزید خبراں
اسلام آباد۔ 29 اپریل (اے پی پی) سپیکر قومی اسمبلی سردار ایاز صادق وطنِ عزیز دے دفاع تے سلامتی کیتے جاناں دا نذرانہ پیش کرݨ آلے شہداء کوں خراجِ عقیدت پیش کریندیں ہوئیں آکھیا اے جو پوری قوم انھاں بہادر سپوتاں کوں سلام پیش کریندی اے جنھاں اپنی جان دی پرواہ کیتے بغیر ملک دے دفاع کوں ناقابلِ تسخیر بݨایا۔ بدھ کوں یومِ شہداء دے موقع تے آپݨے سنیھے اچ انہاں آکھیا جو افواجِ پاکستان، قانون نافذ کرݨ آلے اداریاں تے شہریاں دی سانجھی قربانیاں پاروں ملک دشمن عناصر دے ناپاک عزائم کوں ناکام بݨایا ڳیا جئیں دے نتیجے اچ ملک اچ امن قائم تھیا۔ سپیکر سردار ایاز صادق آکھیا جو اڄوکے سالاں اچ دہشت گردی دے خلاف جنگ اچ سکیورٹی فورسز تے پولیس ولوں ݙتی ڳئی قربانیاں قومی تاریخ دا ناقابلِ فراموش حصہ ہن۔ انہاں بلوچستان، خیبر پختونخوا تے ٻئے متاثرہ علاقیاں وچ شہید تھیوݨ آلیاں کوں خراجِ تحسین پیش کیتا۔ انہاں آکھیا جو شہداء دا خون اساݙی قومی آزادی تے خودمختاری دی ضمانت اے۔ ایں موقع تے ڈپٹی سپیکر قومی اسمبلی سید غلام مصطفیٰ شاہ وی آپݨے سنیھے اچ آکھیا جو یومِ شہداء اساں کوں انھاں عظیم قربانیاں دی یاد ݙویندے جنھاں پاروں اڄ پاکستان محفوظ اے۔ سپیکر تے ڈپٹی سپیکر شہداء دے درجات دی بلندی کیتے فاتحہ خوانی وی کیتی۔
