اسلام آباد۔ 30 اپریل (اے پی پی) وفاقی وزیرِ داخلہ محسن نقوی جنوبی وزیرستان دے علاقے انگور اڈہ اچ افغان طالبان ولوں شہری آبادی کوں نشانہ بݨاوݨ دے واقعے دی مذمت کریندیں ہوئیں آکھیا جو معصوم شہریاں تے حملے کہیں صورت قبول کائنی۔ خمیس کوں وزارتِ داخلہ توں جاری بیان دے مطابق محسن نقوی آکھیا جو افغان طالبان تے فتنہ الخوارج دے گٹھ جوڑ دا معصوم ٻالاں اتے تریمتیں کوں …
وفاقی وزیرِ داخلہ دی طالبان ولوں جنوبی وزیرستان اچ شہری آبادی کوں نشانہ بݨاوݨ دے واقعے دی مذمت
اسلام آباد۔ 30 اپریل (اے پی پی) وفاقی وزیرِ داخلہ محسن نقوی جنوبی وزیرستان دے علاقے انگور اڈہ اچ افغان طالبان ولوں شہری آبادی کوں نشانہ بݨاوݨ دے واقعے دی مذمت کریندیں ہوئیں آکھیا جو معصوم شہریاں تے حملے کہیں صورت قبول کائنی۔ خمیس کوں وزارتِ داخلہ توں جاری بیان دے مطابق محسن نقوی آکھیا جو افغان طالبان تے فتنہ الخوارج دے گٹھ جوڑ دا معصوم ٻالاں اتے تریمتیں کوں نشانہ بݨاوݨ ہک غیر انسانی فعل اے۔ انہاں آکھیا جو شہری آبادی کوں نشانہ بݨا کراہیں افغان طالبان انسانی حقوق دی دھجیاں اݙا ݙتن۔ سکیورٹی فورسز ایں بلا اشتعال جارحیت دا منہ ٻھن جواب ݙیندی پئن۔ وزیرِ داخلہ زخمی ٻالاں تے تریمتیں دی جلد صحت یابی کیتے دعا وی کیتی۔
