وفاقی وزراء دی معرکہ حق دے کمسن مجاہد ارتضیٰ عباس شہید کوں خراجِ عقیدت پیش کرݨ کیتے انھاں دے گھر آمد

اسلام آباد۔ 30 اپریل (اے پی پی) وفاقی وزراء عطاء اللہ تارڑ، مصدق ملک تے وزیرِ مملکت وجیہہ قمر خمیس کوں اتھاں معرکہ حق دے کمسن مجاہد ارتضیٰ عباس شہید کوں خراجِ عقیدت پیش کرݨ کیتے انھاں دے گھر ڳئے‏۔ وفد دے ممبراں ارتضیٰ عباس شہید دے پیؤ لیفٹیننٹ کرنل ظہیر عباس نال ملاقات کیتی تے انھاں نال تعزیت دا اظہار کیتا‏۔ وفد دے ممبراں بھارتی جارحیت نال شہید تھیوݨ آلے ست سالہ ارتضیٰ عباس دے عزم تے ہمت کوں سلام پیش کیتا‏۔ واضح رہوے جو ارتضیٰ عباس دی شہادت دے وقت انھاں دے پیؤ لیفٹیننٹ کرنل ظہیر عباس لائن آف کنٹرول تے دشمن نال لڑدے پئے ہن، کمسن پتر دی شہادت دے باوجود لیفٹیننٹ کرنل ظہیر عباس فرض دی ادائیگی اچ محاذِ جنگ تے دشمن کوں بھرپور جواب ݙیندے رہیے‏۔ ایں موقع تے وفاقی وزیرِ اطلاعات عطاء اللہ تارڑ آکھیا جو معرکہ حق اچ جرات دے نشان کمسن مجاہد ارتضیٰ عباس دی شہادت نے قوم دا سر فخر نال بلند کر ݙتے، پاکستان دی سلامتی تے استحکام کیتے ݙتی ونڄݨ آلی اے قربانیاں ہمیشہ یاد رکھی ویسن‏۔ وفاقی وزیرِ مصدق ملک آکھیا جو شہداء دی لازوال قربانیاں نال قوم دے حوصلے ٻئے مضبوط تھئن‏۔ وزیرِ مملکت وجیہہ قمر آکھیا جو شہداء دے اہل خانہ صبر دی علامت ہن‏۔ ایں موقع تے ارتضیٰ عباس شہید دے پیؤ وفد دا شکریہ ادا کیتا تے آکھیا جو قربانی دا جذبہ اساݙے خون اچ شامل اے‏۔