اسلام آباد۔ 1 مئی (اے پی پی) وزیراعظم محمد شہباز شریف محنت کشاں دے حقوق تے وقار دے تحفظ دے عزم کوں دہریندے ہوئیں آکھیا جو ملک تے ٻاہرلے ملک ہر محنت کش دا ہتھ اساݙے سانجھے مستقبل دا بھار چاتی کھڑے۔ جمعہ کوں سماجی رابطے دی ویب سائٹ ایکس تے آپݨی پوسٹ اچ وزیراعظم آکھیا جو یومِ مزدور تے قوم دے ہر محنت کش کوں چاہیدے او ملک دے …
وزیراعظم دا یومِ مزدور تے محنت کشاں دے حقوق تے وقار دے تحفظ دے عزم دا اعادہ
مزید خبراں
اسلام آباد۔ 1 مئی (اے پی پی) وزیراعظم محمد شہباز شریف محنت کشاں دے حقوق تے وقار دے تحفظ دے عزم کوں دہریندے ہوئیں آکھیا جو ملک تے ٻاہرلے ملک ہر محنت کش دا ہتھ اساݙے سانجھے مستقبل دا بھار چاتی کھڑے۔ جمعہ کوں سماجی رابطے دی ویب سائٹ ایکس تے آپݨی پوسٹ اچ وزیراعظم آکھیا جو یومِ مزدور تے قوم دے ہر محنت کش کوں چاہیدے او ملک دے اندر ہووے یا ٻاہر، خراجِ تحسین پیش کرینداں، انھاں دے ہتھ ساݙے مشترکہ مستقبل دا بھار چاتی کھڑے ہن۔انہاں آکھیا جو سجھ ابھردے ای تپتی دھپ تئیں تے انھاں طویل گھنٹیاں تئیں جݙݨ پوری قوم سمدی پئی ہوندی اے، محنت کشاں دی لگن، ثابت قدمی تے خاموش قربانیاں اساݙے گھر بݨیندن، اساݙیاں صنعتاں کوں توانائی ݙیندن، اساݙی معیشت کوں سہارا ݙیندن اتے ملک کوں اڳوں ودھیندن۔ وزیراعظم آکھیا جو یقین ݙوینداں جو اساݙی حکومت زیادہ تے بہتر روزگار دے موقع پیدا کر تے، مزدوراں دے حقوق کوں مضبوط بݨا کراہیں تے ترقی دے نویں رستے ݙے کراہیں ہر محنت کش دے وقار دے تحفظ کیتے پرعزم اے۔ انہاں آکھیا جو محنت کشاں کوں آپݨی قومی ترجیحات دا مرکز بݨیندے ہوئیں اساں ہک ایجھا پاکستان تعمیر کریسوں جیڑا زیادہ مضبوط، زیادہ منصفانہ تے ہر شہری کیتے امید نال بھرپور ہووے۔
