سانیا۔ 1 مئی (اے پی پی) صدرِ مملکت آصف علی زرداری، جیہڑے ایں ویلھے چین دے صوبہ ہائنان دے شہر سانیا دے سرکاری دورے تے ہن، جمہوریہ عراق دے نامزد وزیراعظم علی فالح خادم الزیدی نال ٹیلیفون تے ڳالھ مہاڑ کیتی اتے انھاں کوں عراقی حکومت دے سربراہ دے طور تے وزارتِ عظمیٰ دے اہم عہدے تے نامزد تھیوݨ تے مبارکباد ݙتی۔جمعہ کوں ایوانِ صدر دے پریس ونگ توں جاری …
صدرِ مملکت آصف علی زرداری دا عراق دے نامزد وزیراعظم نال ٹیلیفونک رابطہ
مزید خبراں
سانیا۔ 1 مئی (اے پی پی) صدرِ مملکت آصف علی زرداری، جیہڑے ایں ویلھے چین دے صوبہ ہائنان دے شہر سانیا دے سرکاری دورے تے ہن، جمہوریہ عراق دے نامزد وزیراعظم علی فالح خادم الزیدی نال ٹیلیفون تے ڳالھ مہاڑ کیتی اتے انھاں کوں عراقی حکومت دے سربراہ دے طور تے وزارتِ عظمیٰ دے اہم عہدے تے نامزد تھیوݨ تے مبارکباد ݙتی۔جمعہ کوں ایوانِ صدر دے پریس ونگ توں جاری بیان دے مطابق صدرِ مملکت نامزد وزیراعظم کیتے نیک تمناواں دا اظہار کریندیں ہوئیں انھاں دی کامیابی تے ہک مستحکم حکومت بݨاوݨ کیتے دعا کیتی۔ انہاں آکھیا جو انھاں دا بطور وزیراعظم انتخاب عراق دی قیادت دے اعتماد دی عکاسی کریندے جیڑا ملک دے ہک اہم موڑ تے سامݨے آئے۔ نامزد وزیراعظم نال ڳالھ مہاڑ دے دوران صدرِ مملکت آکھیا جو پاکستان تے عراق دے تعلقات مشترکہ اقدار تے آپسی احترام تے مبنی ہن اتے پاکستان ایں برادرانہ تعلق کوں ٻیا مضبوط بݨاوݨ کیتے پرعزم اے۔ انہاں ݙوپاسہ معاشی تعاون کوں ودھاوݨ دے وݙے موقعیاں دا ذکر کیتا جنھاں اچ تجارت، سرمایہ کاری، توانائی، بنیادی ڈھانچے دی ترقی، زراعت تے قابلِ تجدید توانائی شامل ہن۔ صدرِ مملکت دیرپا شراکت داری کیتے تعلیمی تعاون تے عوامی روابط کوں ٻیا مضبوط بݨاوݨ دی اہمیت تے وی زور ݙتا۔ نامزد عراقی وزیراعظم صدرِ مملکت آصف علی زرداری دا شکریہ ادا کیتا اتے انھاں کوں مناسب ویلھے تے عراق دے دورے دی دعوت ݙتی۔
