لاہور۔ 1 مئی (اے پی پی) وزیراعظم محمد شہباز شریف وفاقی وزیرِ قانون تے انصاف اعظم نذیر تارڑ دی سربراہی اچ ون-کانسٹیٹیوشن ایونیو دے معاملے تے اعلیٰ سطح دی کمیٹی بݨا ݙتی اے۔ جمعہ کوں وزیراعظم آفس دے میڈیا ونگ توں جاری بیان دے مطابق وزیرِ مملکت برائے داخلہ طلال چوہدری، سیکرٹری کابینہ تے سیکرٹری تجارت کمیٹی دے ارکان ہوسن۔ وزیراعظم ون-کانسٹیٹیوشن ایونیو دے معاملے اچ انصاف دے تقاضے پورے …
وزیراعظم شہباز شریف ون-کانسٹیٹیوشن ایونیو دے معاملے تے اعلیٰ سطح دی کمیٹی بݨا ݙتی
مزید خبراں
لاہور۔ 1 مئی (اے پی پی) وزیراعظم محمد شہباز شریف وفاقی وزیرِ قانون تے انصاف اعظم نذیر تارڑ دی سربراہی اچ ون-کانسٹیٹیوشن ایونیو دے معاملے تے اعلیٰ سطح دی کمیٹی بݨا ݙتی اے۔ جمعہ کوں وزیراعظم آفس دے میڈیا ونگ توں جاری بیان دے مطابق وزیرِ مملکت برائے داخلہ طلال چوہدری، سیکرٹری کابینہ تے سیکرٹری تجارت کمیٹی دے ارکان ہوسن۔ وزیراعظم ون-کانسٹیٹیوشن ایونیو دے معاملے اچ انصاف دے تقاضے پورے کرݨ کیتے خصوصی کمیٹی بݨاوݨ دی ہدایات جاری کیتن۔ کمیٹی ہک ہفتے اچ پورے معاملے دا جائزہ گھن کراہیں جامع رپورٹ وزیراعظم کوں پیش کریسی۔ ایں دوران ایں معاملے اچ کوئی وی متاثرہ بندہ آپݨی ڳالھ کمیٹی کوں پیش کر سڳسی اتے کمیٹی بنا کہیں تفریق دے فریقین تے متاثرین کوں سݨسی۔ وزیراعظم دے ایں معاملے تے حتمی فیصلے تئیں اسلام آباد انتظامیہ تے سی ڈی اے ولوں کہیں وی قسم دی کارروائی نہ کیتی ویسی۔
