اسحاق ڈار نال صادق سنجرانی دی ملاقات، علاقائی تے ملکی معاملیاں تے ڳالھ مہاڑ

اسلام آباد۔ 1 مئی (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار نال سابق چیئرمین سینیٹ میر محمد صادق خان سنجرانی تے انھاں دے بھرا میر اعجاز خان سنجرانی (سابق مشیر بلوچستان حکومت) ملاقات کیتی تے ملکی تے بین الاقوامی معاملیاں تے ڳالھ مہاڑ کیتی‏۔ دفترِ خارجہ توں جاری بیان دے مطابق میر صادق خان سنجرانی نائب وزیراعظم اتے وزیرِ خارجہ دی قیادت اچ خطے اچ امن تے استحکام دے فروغ کیتے کیتی ونڄݨ آلیاں کوششاں کوں سراہیا‏۔ ملاقات دے دوران علاقائی تے ملکی معاملیاں، عوامی فلاح و بہبود تے ٻئے سیاسی معاملیاں تے وی ڳالھ کیتی ڳئی۔