لاہور۔ 3 مئی (اے پی پی) وفاقی وزیرِ داخلہ محسن نقوی "24/7 نادرا سنٹر شملہ پہاڑی" دا اچانک دورہ کیتا۔ وزارتِ داخلہ دے مطابق، وزیرِ داخلہ سنٹر اچ ٻہوں ودھ رش تے اے سی دی بندش تے سخت ناراضگی دا اظہار کیتا اتے سنٹر تے سہولتاں بہتر بݨاوݨ دا حکم ݙتا۔ انہاں سنٹر اچ موجود شہریاں توں شناختی کارڈ تے ٻئی دستاویزات دے عمل دے بارے پچھیا۔ وزیرِ داخلہ مختلف …
وفاقی وزیرِ داخلہ محسن نقوی دا نادرا سنٹر شملہ پہاڑی دا اچانک دورہ
مزید خبراں
لاہور۔ 3 مئی (اے پی پی) وفاقی وزیرِ داخلہ محسن نقوی “24/7 نادرا سنٹر شملہ پہاڑی” دا اچانک دورہ کیتا۔ وزارتِ داخلہ دے مطابق، وزیرِ داخلہ سنٹر اچ ٻہوں ودھ رش تے اے سی دی بندش تے سخت ناراضگی دا اظہار کیتا اتے سنٹر تے سہولتاں بہتر بݨاوݨ دا حکم ݙتا۔ انہاں سنٹر اچ موجود شہریاں توں شناختی کارڈ تے ٻئی دستاویزات دے عمل دے بارے پچھیا۔ وزیرِ داخلہ مختلف کاؤنٹراں تے ونڄ کراہیں شہریاں نال ملاقات کیتی اتے انھاں دے مسئلے معلوم کیتے۔ محسن نقوی رش کوں بہتر طریقے نال سنبھالݨ دا حکم ݙیندیں ہوئیں آکھیا جو میں پہلے وی ایتھاں آیا ہم، اوں ویلھے صورتحال بہتر ہئی پر اج شہریاں دا فیڈ بیک چنڳا کائنی ملیا۔ انہاں واضح کیتا جو شہریاں کوں تکھے خدمات دی فراہمی تے کوئی سمجھوتا نہ کیتا ونڄے سی۔ وفاقی وزیر موقع تے ای شہریاں دے مسئلیاں دے حل کیتے احکامات جاری کیتے۔
