وزیر اعظم شہباز شریف دی متحدہ عرب امارات اچ میزائل و ڈرون حملیاں دی مذمت، جنگ بندی دے احترام تے زور

اسلام آباد۔5 مئی(اے پی پی)وزیر اعظم محمد شہباز شریف متحدہ عرب امارات اچ میزائل و ڈرون حملیاں دی شدید مذمت کریندے جنگ بندی دا احترام کرݨ تے زور ݙتے۔ ”  ایکس ” تے سنیہے اچ انہاں آکھیے جو پاکستان متحدہ عرب امارات اچ شہری انفراسٹرکچر تے تھیوݨ آلے میزائل اتے ڈرون حملیاں دی شدید مذمت کریندے۔ انہاں متحدہ عرب امارات دے صدر محمد بن زاید النہیان نال یکجہتی کریندے ہیں، پاکستان ایں ویلھے اپݨے اماراتی بھراواں اتے ٻھیݨیں دے نال نال متحدہ عرب امارات دی حکومت دے نال کھڑے۔ انہاں آکھیا جو اے ٻہوں ضروری اے جو جنگ بندی کوں برقرار رکھیا ونڄے اتے ایندا احترام کیتا ونڄے، تاں جو مذاکرات کیتے ضروری سفارتی گنجائش نکل سڳے ڄیڑھی خطے اچ دیرپا امن و استحکام دو ڳھن ونڄے۔