پاکستان دا فتح میزائل سسٹم دا تجربہ، دشمن دی جارحیت دا جواب ڈیوݨ دا عزم

اسلام آباد۔ 5 مئی(اے پی پی)بھارت دے دھمکی آمیز بیاناں دے جواب اچ پاکستان اپݨی دفاعی طاقت ݙکھا تے دشمن کوں خبردار کر ݙتے اتے 5 مئی 2025 کوں جنگی مشق “انڈس” دے تحت فتح میزائل دے کامیاب تجربے پاکستان دی دفاعی تیاری کوں ٻیا تکڑا کر ݙتے۔ فتح میزائل زمین توں زمین تے 120 کلومیٹر تئیں مار کرݨ دی صلاحیت رکھدے۔ پاکستان ایں تجربے نال جدید نیوی گیشن سسٹم سودھا اہم تکنیکی پہلوواں دی تصدیق کیتی اے۔ عالمی ماہرین دے مطابق پاکستان دشمن دے ناپاک ارادیاں کوں پہلے ای سنڄاݨ ڳھدا ہئی اتے ایں تجربے نال بھارت کوں تنبیہ کر ݙتی گئی اے جو پاک فوج ہر جارحیت دا منہ توڑ جواب ݙیوݨ دی صلاحیت رکھدی اے۔