وزیراعظم شہباز شریف دا ترکیہ اچ سیلاب نال جانی و مالی نقصان تے افسوس

اسلام آباد۔ 5 مئی(اے پی پی)وزیراعظم محمد شہباز شریف ترکیہ اچ تباہ کن سیلاب اتے طوفان نال تھیوݨ آلے قیمتی جانی و مالی نقصان تے ݙاݙھا افسوس کیتے۔ منگل کوں “ایکس” تے جاری بیان اچ وزیراعظم آکھیے جو غازی انتیپ، شانلی عرفہ اتے ملحقہ علاقیاں اچ تھیوݨ آلی تباہی تے میکوں ݙاݙھا ݙکھ اے۔ وزیراعظم پاکستان دے عوام اتے حکومت ولوں ترک صدر رجب طیب اردوان تے ترک عوام نال تعزیت کیتی۔ انہاں آکھیے جو پاکستان ایں مصیبت دے ویلھے اچ اپݨے ترک بھراواں دے نال کھڑے اتے ہر قسم دے تعاون کوں تیار ہیں۔