“معرکہ حق” اچ اللہ تعالیٰ پاکستان کوں بھارت دے خلاف عظیم فتح ݙتی، وفاقی وزیر اطلاعات عطاء اللہ تارڑ

اسلام آباد۔ 5 مئی (اے پی پی)وفاقی وزیر اطلاعات و نشریات عطاء اللہ تارڑ کتاب “معرکہ حق: The Battle of Truth” کوں بیانیے دے محاذ اتے پاکستان دی کامیابی دی وݙی دستاویز قرار ݙیندے آکھیے جو معرکہ حق اچ اللہ پاکستان کوں بھارت دے خلاف عظیم فتح عطا فرمائی۔ اساں حق اتے سچ تے ہاسے، اتے سچائی کوں شکست ݙیوݨ ناممکن ہوندے۔ پاک چائنہ فرینڈ شپ سینٹر اچ کتاب دی تقریبِ رونمائی نال خطاب کریندے ہوئیں وفاقی وزیر آکھیا جو بیانیے، سفارتی اتے عسکری محاذ تے فتح دے پچھو قوم دا جذبہ شامل ہئی۔ انہاں آکھیا جو بھارت دی مکاری اتے کور پوری دنیا دے اڳو آ ڳئے اتے انہاں دے بیانیے کوں کوئی وی منݨ کیتے تیار کائنی۔ ایں موقع تے وفاقی وزیر علامہ اقبال دے اشعار وی پڑھے۔ ایں تقریب اچ وزیر دفاع خواجہ آصف، دانیال عزیز اتے ٻئے اہم بندیاں وی شرکت کیتی۔ اے کتاب ڈائریکٹوریٹ آف الیکٹرانک میڈیا اینڈ پبلی کیشنز اتے آئی ایس پی آر دی مشترکہ پیشکش اے جیندے اچ پاکستان دے سفر دی تصویری داستان ݙسائی گئی اے۔