وزیراعظم شہباز شریف دا امریکی صدر دے آبنائے ہرمز اچ ’’پروجیکٹ فریڈم‘‘ کوں عارضی طور تے روکݨ دے اعلان دا خیر مقدم

اسلام آباد۔6 مئی(اے پی پی)وزیراعظم محمد شہباز شریف امریکی صدر ڈونلڈ ٹرمپ ولوں آبنائے ہرمز اچ ’’پروجیکٹ فریڈم‘‘ کوں عارضی طور تے روکݨ دے اعلان دا خیر مقدم کریندے امید کیتی اے جو اے پیش رفت ہک اینڄھے پائیدار معاہدے دی راہ ہموار کریسی جیڑھی خطے اتے ایندے توں ٻاھرو دیرپا امن و استحکام یقینی ٻݨیسی۔ ایکس تے سنیہے اچ وزیراعظم محمد شہباز شریف آکھیے جو او صدر ڈونلڈ ٹرمپ دے شکر گزار ہین جو انہاں جرات مندانہ قیادت ݙکھیندے آبنائے ہرمز اچ ’’پروجیکٹ فریڈم‘‘ کوں عارضی طور تے روکݨ کیتے ویلھے سر اعلان کیتے۔ وزیراعظم آکھیے جو صدر ڈونلڈ  ٹرمپ ولوں پاکستان اتے ٻئے ٻھرا ملکاں خصوصاً سعودی عرب اتے ولی عہد و وزیراعظم محمد بن سلمان دی درخواست تے مثبت و فراخدلانہ ردعمل ایں نازک ویلھے اچ خطے اچ امن، استحکام اتے مفاہمت سانڳے اہم ثابت تھیسی، پاکستان اے عزم دوہریندے جو او تحمل، مذاکرات اتے سفارت کاری نال تنازعات دے پرامن حل کوں ٹورݨ دی ہر کوشش دی مکمل حمایت جاری رکھیسی، اڄوکی پیش رفت ہک اینڄھے پائیدار معاہدے دی راہ کھلیسی جیڑھا خطے اتے ایندے توں ٻاھرو دیرپا امن و استحکام یقینی ٻݨیسی۔