“معرکہ حق” پاکستان دی فیصلہ کن عسکری برتری، فولادی قومی اتحاد دا ناقابلِ تردید ثبوت اے، وزیر دفاع خواجہ محمد آصف

اسلام آباد۔ 6 مئی (اے پی پی)وزیر دفاع خواجہ محمد آصف آکھیے جو “معرکہ حق” پاکستان دی فیصلہ کن عسکری برتری اتے فولادی قومی اتحاد دا ناقابلِ تردید ثبوت اے۔ ہک سنیہے اچ انہاں آکھیا جو ایں معرکے نال واضح تھی گئے جو اڳو تے کہیں وی مہم جوئی دا ولدا پہلے توں وی زیادہ شدید اتے فیصلہ کن ہوسی۔ انہاں آکھیا جو ساڈی بری، بحری اتے فضائی فوج دی جوابی صلاحیت دشمن دے سوچ توں وی ودھ تیز اے۔ خواجہ آصف آکھیا جو پوری قوم اپݨی مسلح افواج نال سینہ ٹھوک کے کھڑی اے اتے پاکستانی نوجواناں دا شعور ساڈی اصل طاقت اے۔ انہاں آکھیا جو آپریشن “بنیان مرصوص” دے موقع تے اللہ دی مدد کوں محسوس کیتا گیا، جئیں قوم دا سر ماݨ نال اچا کر ݙتے۔