مشرق وسطیٰ کشیدگی خطے دی بحری سلامتی کیتے وݙا چیلنج اے: نیول چیف

راولپنڈی۔ 6 مئی(اے پی پی) پاک فوج دے شعبہ تعلقات عامہ دے مطابق نیول چیف ایڈمرل نوید اشرف آکھیے جو مشرق وسطیٰ اچ جاری کشیدگی خطے دی بحری سلامتی کیتے ہک وݙا چیلنج اے۔ سربراہ پاک بحریہ ایڈمرل نوید اشرف دی زیر صدارت پاک بحریہ دی کمانڈ اینڈ سٹاف کانفرنس تھئی جیندے اچ روایتی اتے غیر روایتی چیلنجز دے خلاف جنگی تیاریاں دے تسلسل کوں برقرار رکھݨ تے زور ݙتا ڳئے۔ نیول چیف ایڈمرل نوید اشرف آکھیے جو پاک بحریہ خلیج عمان اچ اپݨی موجودگی نال میری ٹائم کمیونٹی کوں تحفظ ݙویندی پئی اے، میری ٹائم سکیورٹی چیلنجز نال نمٹݨ کیتے جدید ہتھیاراں اتے ٹیکنالوجی دا حصول ناگزیر اے، کانفرنس اچ معرکہِ حق اچ ݙتیاں ونڄݨ آلیاں قربانیاں کوں خراجِ تحسین پیش کیتا گیا۔ ایڈمرل نوید اشرف آکھیے جو اے تاریخی کامیابی قومی یکجہتی، بیرونی جارحیت کوں شکست ݙیوݨ اتے پاکستان دے بحری مفادات دی حفاظت دے پختہ عزم دا ثبوت اے۔ آئی ایس پی آر دے مطابق نیول چیف کوں پاک بحریہ دے جاری اتے مستقبل دے منصوبیاں تے بریفنگ وی ݙتی گئی۔ نیول چیف ملکی بحری سرحداں دے دفاع کیتے پاک بحریہ دی آپریشنل تیاریاں تے اطمینان کیتے۔