پاک فوج بھارت کوں اوندی جارحیت دا حیران کن جواب ݙتے، 10 مئی پاکستانی تاریخ دا ہک سوھݨا اتے سنہری باب اے، صدر مملکت آصف علی زراری

اسلام آباد۔ 10 مئی(اے پی پی)صدر مملکت آصف علی زراری آکھیے جو 10مئی پاکستانی تاریخ دا ہک سوھݨا اتے سنہری باب اے، پاک فوج بھارت کوں اوندی جارحیت دا حیران کن جواب ݙتے۔ اے ڳالھ انہاں معرکہ حق دی فتح دا ہک سال مکمل تھیوݨ تے اسلام اباد اچ پاکستان مانومنٹ تے خصوصی تقریب نال خطاب اچ آکھی۔ تقریب اچ وزیر اعظم محمد شہباز شریف اتے فیلڈ مارشل سید عاصم منیر سودھا سربراہ پاک فضائیہ اتے سربراہ پاک نیوی، چیئرمین سینیٹ، سپیکرقومی اسمبلی اتے وفاقی وزراء سودھا غیرملکی سفیر، سول و عسکری حکام سودھا مختلف اہم شخصیات وی موجود ہن۔ صدر مملکت آکھیا جو پہلگام واقعہ دے بعد پاکستان تے جنگ مسلط کیتی گئی، قوم 10 مئی کوں نال ٻھلسی، بھارت پہلگام واقعہ کوں منݙھ ٻما تے پاکستان تے بلا جواز حملہ کیتے، افواج پاکستان بھارتی جارحیت دا حیران کن جواب ݙتے، بزدل دشمن رات دے اندھارے اچ ساݙیاں مسیتاں اتے معصوم شہریاں تے حملہ کیتے ٻھل ساݙا ولدا اینڄھا تکڑا ہا جو پورے ڄڳ ایکوں منیے اتے پورے ڄڳ اچ پاکستان دا ناں اچا تھئے۔ آصف زرداری آکھیا جو افواج پاکستان بھارت دے 8 جدید لڑاکا طیارے مار ݙھوائے، فیلڈ مارشل سید عاصم منیر دی قیادت اچ افواج پاکستان اپݨی مہارت ݙکھائی۔ تقریب اچ شاندار اتشبازی دا مظاہرہ وی کیتا ڳیا اتے اسلام آباد دے شہریاں غلی محلیاں اتے سڑکاں تے کتھے تھی تے اے نظارہ ݙٹھا۔