اسلام آباد۔ 4 جون (اے پی پی) وزیراعظم محمد شہباز شریف ان لینڈ ریونیو دی وصولیاں کوں مزید مؤثر، شفاف تے فیس لیس بݨاوݨ کیتے جامع منصوبے دی تعریف کریندے آکھیےجو جدید ٹیکنالوجی دے مؤثر استعمال دے ذریعے ہک خودکار، جدید تے مؤثر ٹیکس مینجمنٹ نظام دا اے منصوبہ حکومت دے اصلاحاتی ایجنڈے اچ سنگِ میل ثابت ہوسی، ٹیکس وصولی دے نظام اچ انسانی مداخلت تے صوابدیدی اختیارات کوں گھٹ …
وزیراعظم دی زیرِ صدارت ایف بی آر اچ جاری اصلاحات تے جائزہ اجلاس
مزید خبراں
اسلام آباد۔ 4 جون (اے پی پی) وزیراعظم محمد شہباز شریف ان لینڈ ریونیو دی وصولیاں کوں مزید مؤثر، شفاف تے فیس لیس بݨاوݨ کیتے جامع منصوبے دی تعریف کریندے آکھیےجو جدید ٹیکنالوجی دے مؤثر استعمال دے ذریعے ہک خودکار، جدید تے مؤثر ٹیکس مینجمنٹ نظام دا اے منصوبہ حکومت دے اصلاحاتی ایجنڈے اچ سنگِ میل ثابت ہوسی، ٹیکس وصولی دے نظام اچ انسانی مداخلت تے صوابدیدی اختیارات کوں گھٹ توں گھٹ کرݨ ویلھے دی اہم لوڑھ اے ۔ وزیراعظم محمد شہباز شریف دی زیرِ صدارت ایف بی آر اچ جاری اصلاحات تے جائزہ اجلاس خمیس دے ݙینھ اتھاں منعقد تھیا جیندے اچ ٹیکس نظام کوں جدید خطوط تے استوار کرݨ تے ٹیکس وصولیاں اچ ودھارے کیتے جاری اقدامات دا تفصیلی جائزہ ڳھدا ڳیا۔ اجلاس اچ ان لینڈ ریونیو دی وصولیاں کوں مزید مؤثر، شفاف تے فیس لیس بݨاوݨ کیتے ہک جامع منصوبہ پیش کیتا ڳیا۔وزیراعظم اجلاس اچ اظہارِ خیال کریندے آکھیا جو جدید ٹیکنالوجی دے مؤثر استعمال دے ذریعے ہک خودکار، جدید تے مؤثر ٹیکس مینجمنٹ نظام دا اے منصوبہ حکومت دے اصلاحاتی ایجنڈے اچ سنگِ میل ثابت ہوسی۔ انھاں ٹیکس وصولی دے نظام اچ انسانی مداخلت تے صوابدیدی اختیارات کوں گھٹ توں گھٹ کرݨ کوں ویلھے دی اہم لوڑھ قرار ݙیندے آکھیا جو ایں منصوبے دے نفاذ نال نہ صرف محصولات اچ ودھارا ہوسی ٻلکہ ٹیکس نظام اچ شفافیت، انصاف تے عوامی اعتماد کوں وی ودھارا ملسی۔ انھاں واضح کیتا جو معیشت دی دستاویزی شکل تے ٹیکس نیٹ اچ توسیع کیتے ایف بی آر اصلاحات دا عمل جاری رہسی۔ وزیراعظم غیر قانونی سگریٹس دے خلاف مؤثر کاروائیاں تے صوبائی حکومتاں کوں خراجِ تحسین پیش کیتا۔ وزیراعظم انکم ٹیکس وصولی دے مجوزہ آٹومیٹڈ نظام کوں آزمائشی بنیاداں تے اسلام آباد توں شروع کرݨ دی ہدایت کیتی۔اجلاس کوں بریفنگ اچ ݙسایا ڳیا جو ٹیکس دا نواں مجوزہ نظام جائیداداں، ڳاݙیاں تے بینکاں دے ڈیٹا دے ذریعے گھٹ ظاہر کیتی ڳئی آمدݨ تے اثاثیں دی نشاندہی کرݨ دی صلاحیت رکھیندے۔ بریفنگ موجب جدید ٹیکنالوجی تے اے آئی دے ذریعے ٹیکس دے نظام کوں خودکار، شفاف تے مؤثر بݨایا ویسی۔ نویں نظام دے تحت نیشنل فیس لیس آڈٹ ونگ، نیشنل اسیسمنٹ ونگ تے فیلڈ آپریشنز ونگ قائم کرݨ دی تجویز اے۔ بریفنگ اچ ݙسایا ڳیا جو انفورسمنٹ اقدامات دے ذریعے سگریٹ دے شعبے توں قومی خزانے کوں اڄوکے سال 40 ارب روپے اضافی ٹیکس وصولی متوقع اے۔ اجلاس اچ وفاقی وزراء رانا تنویر حسین، اعظم نذیر تارڑ، مصدق مسعود ملک، احد خان چیمہ، محمد اورنگزیب، عطاء اللہ تارڑ، شزا فاطمہ خواجہ، علی پرویزملک، وزیرِمملکت خزانہ بلال اظہر کیانی، اٹارنی جنرل منصور عثمان اعوان، معاونِ خصوصی ہارون اختر تے اعلیٰ سرکاری حکام شرکت کیتی۔
