اسلام آباد۔ 5 جون (اے پی پی) سکیورٹی فورسز 3/4 جون 2026ء کوں بلوچستان دے ضلع پنجگور اچ انٹیلی جنس دی بنیاد تے آپریشن کیتا، جیندے اچ ہندوستانی پراکسی، فتنہ الہندوستان نال تعلق رکھݨ آلے دہشت گرداں دی موجودگی دی اطلاع ہائی۔ آئی ایس پی آر موجب آپریشن دے دوران فورسز دہشت گردی دیاں ٻہوں ساریاں جہیں کوں مؤثر طریقے نال نشانہ بݨایا تے شدید فائرنگ دے تبادلے دے بعد، …
سکیورٹی فورسزدا پنجگوراچ انٹیلی جنس دی بنیاد تے آپریشن، چھی ہندوستانی سپانسردہشت گرد جہنم واصل، آئی ایس پی آر
مزید خبراں
اسلام آباد۔ 5 جون (اے پی پی) سکیورٹی فورسز 3/4 جون 2026ء کوں بلوچستان دے ضلع پنجگور اچ انٹیلی جنس دی بنیاد تے آپریشن کیتا، جیندے اچ ہندوستانی پراکسی، فتنہ الہندوستان نال تعلق رکھݨ آلے دہشت گرداں دی موجودگی دی اطلاع ہائی۔ آئی ایس پی آر موجب آپریشن دے دوران فورسز دہشت گردی دیاں ٻہوں ساریاں جہیں کوں مؤثر طریقے نال نشانہ بݨایا تے شدید فائرنگ دے تبادلے دے بعد، چھی ہندوستانی سپانسر شدہ دہشت گرداں کوں جہنم واصل کر ݙتا ڳیا۔ مارئے ڳئے ہندوستانی سپانسر شدہ دہشت گرداں توں اسلحہ، گولہ بارود، دیسی ساختہ دھماکہ خیزآلات تے ڳاݙی وی برآمد تھئی اے۔ حکام دا آکھݨ اے جو علاقے اچ پاتے ونڄݨ آلے کہیں وی ٻئے ہندوستانی سپانسر شدہ دہشت گرد کوں ختم کرݨ کیتے صفائی دی کارروائیاں کیتیاں ویندیاں پئن۔ حکام موجب سکیورٹی فورسز تے قانون نافذ کرݨ آلے اداریں دی طرفوں نیشنل ایکشن پلان دے تحت انسدادِ دہشت گردی دی مہم ملک توں غیر ملکی سپانسر شدہ تے سپورٹ شدہ دہشت گردی دے خطرے کوں ختم کرݨ کیتے پوری رفتار نال جاری رہسی۔
