وفاقی وزیرِ داخلہ دی پنجگوراچ فتنہ الہندوستان دے دہشت گرداں دے خلاف کامیاب آپریشن تے سکیورٹی فورسز دی ستائش

اسلام آباد۔ 5 جون (اے پی پی) وفاقی وزیرِداخلہ محسن نقوی 6 دہشت گرداں کوں جہنم رسید کرݨ تے سکیورٹی فورسز دی بہادری تے پیشہ ورانہ صلاحیتاں دی تعریف کیتی ۔ وزارتِ داخلہ توں جاری بیان موجب وزیرِ داخلہ آکھیا جو سکیورٹی فورسز وقتی کارروائی کرتے پنجگور اچ بھارتی سپانسرڈ دہشت گرداں دے مذموم عزائم کوں ناکام بݨایا۔ محسن نقوی آکھیا جو 6 بھارتی سپانسرڈ دہشت گرداں کوں عبرتناک انجام تئیں پڄاوݨ تے سکیورٹی فورسز کوں خراجِ تحسین پیش کرینداں۔ بلوچستان اچ فتنہ الہندوستان دے دہشت گرداں دے خلاف سکیورٹی فورسز دیاں کارروائیاں قابلِ تحسین ہن، دہشت گردی دے خلاف قوم سکیورٹی فورسز دے رلے کھڑی اے۔