اسلام آباد۔ 5 جون (اے پی پی) وفاقی وزیرقانون و انصاف و انسانی حقوق سینیٹراعظم نذیر تارڑ نال پنجاب دے وزیراقلیتی امور سردار رمیش سنگھ اروڑا ملاقات کیتی، جیندے اچ اقلیتی حقوق، بین المذاہب ہم آہنگی تے انسانی حقوق دے ودھارے متعلق امور تے ڳالھ مہاڑ کیتی ڳئی۔ ترجمان وزارتِ انسانی حقوق موجب ملاقات اچ وفاقی حکومت تے حکومتِ پنجاب وچال تعاون کوں ٻیا مؤثر بݨاوݨ تے اتفاق کیتا ڳئے۔ایں …
وفاقی وزیرِ قانون و انسانی حقوق اعظم نذیر تارڑ نال پنجاب دے وزیر اقلیتی امور دی ملاقات
مزید خبراں
اسلام آباد۔ 5 جون (اے پی پی) وفاقی وزیرقانون و انصاف و انسانی حقوق سینیٹراعظم نذیر تارڑ نال پنجاب دے وزیراقلیتی امور سردار رمیش سنگھ اروڑا ملاقات کیتی، جیندے اچ اقلیتی حقوق، بین المذاہب ہم آہنگی تے انسانی حقوق دے ودھارے متعلق امور تے ڳالھ مہاڑ کیتی ڳئی۔ ترجمان وزارتِ انسانی حقوق موجب ملاقات اچ وفاقی حکومت تے حکومتِ پنجاب وچال تعاون کوں ٻیا مؤثر بݨاوݨ تے اتفاق کیتا ڳئے۔ایں موقع تے سینیٹر اعظم نذیر تارڑ سارے شہریاں دے مساوی حقوق تے موقع دے حکومتی عزم دا اعادہ کیتا۔ سردار رمیش سنگھ اروڑا چائلڈ میرج ریسٹرینٹ ایکٹ دی منظوری دا خیرمقدم کیتا۔ ملاقات دے دوران قومی کمیشن اقلیتی امور (این سی ایم) کوں تکڑا بݨاوݨ دی کوششاں دی تعریف کیتی ڳئی۔ ݙوہیں رہنماواں اقلیتاں دے حقوق دے تحفظ تے بین المذاہب ہم آہنگی دے ودھارے کیتے مشترکہ کوششاں جاری رکھݨ تے اتفاق کیتا تے جامع، روادار تے حقوق تے مبنی معاشرے دے قیام دے عزم دا اعادہ کیتا۔
