اسلام آباد۔ 6 جون (اے پی پی) نائب وزیرِاعظم تے وزیرِخارجہ اسحاق ڈار پاکستان اچ سرمایہ کاری دے ودھارے تے براہِ راست غیر ملکی سرمایہ کاری اچ ودھارے کیتے اقدامات دا جائزہ گھنݨ دے حوالے نال ہک اجلاس دی صدارت کیتی۔ اجلاس اچ سرمایہ کاری دے ماحول کوں ٻیا سازگار بݨاوݨ، سرمایہ کاراں کوں سہولتاں ݙیوݨ، نجکاری دے عمل کوں اڳوں ودھاوݨ تے مختلف اداریں وچال بہتر رابطہ کاری دے …
اسحاق ڈار دی صدارت اچ اجلاس، براہِ راست غیر ملکی سرمایہ کاری اچ ودھارے کیتے اقدامات دا جائزہ
اسلام آباد۔ 6 جون (اے پی پی) نائب وزیرِاعظم تے وزیرِخارجہ اسحاق ڈار پاکستان اچ سرمایہ کاری دے ودھارے تے براہِ راست غیر ملکی سرمایہ کاری اچ ودھارے کیتے اقدامات دا جائزہ گھنݨ دے حوالے نال ہک اجلاس دی صدارت کیتی۔ اجلاس اچ سرمایہ کاری دے ماحول کوں ٻیا سازگار بݨاوݨ، سرمایہ کاراں کوں سہولتاں ݙیوݨ، نجکاری دے عمل کوں اڳوں ودھاوݨ تے مختلف اداریں وچال بہتر رابطہ کاری دے ذریعے معاشی موقع توں بھرپور فیدہ چاوݨ دے اقدامات تے تفصیلی ڳالھ مہاڑ کیتی۔ دفترِ خارجہ توں جاری ہک بیان موجب نائب وزیرِ اعظم/وزیرِخارجہ ایں عزم دا اعادہ کیتا جو حکومت سرمایہ کاری دے ودھارے تے معاشی ترقی کوں تکھا کرݨ کیتے ہک شفاف، قابلِ اعتماد تے کاروبار دوست ماحول ݙیوݨ کیتے پرعزم اے۔ اجلاس اچ وزیرِ قانون و انصاف، نجکاری دے مشیر، وزیرِاعظم دے معاونِ خصوصی طارق باجوہ،سیکریٹری تجارت، سیکریٹری قانون، سیکریٹری نجکاری تے ٻئے اعلیٰ سرکاری حکام شرکت کیتی۔
