لاہور۔ 6 جون (اے پی پی) وزیراعظم محمد شہباز شریف نال وفاقی وزیرِ داخلہ سید محسن رضا نقوی اتھاں ملاقات کیتی۔ وزیراعظم دفتر دے میڈیا ونگ توں جاری بیان موجب وزیرِ داخلہ نے وزیراعظم کوں کرغزستان دے دارالحکومت بشکیک اچ تھیوݨ آلی شنگھائی تعاون کانفرنس دے موقع تے اپݨی مختلف اہم ملاقاتاں دا ݙسایا۔ ملاقات اچ وزیرِ داخلہ دے آندے تہران دے دورے دے حوالے نال وی مشاورت تھئی تے …
وزیراعظم محمد شہباز شریف نال وفاقی وزیرِ داخلہ سید محسن رضا نقوی دی ملاقات
لاہور۔ 6 جون (اے پی پی) وزیراعظم محمد شہباز شریف نال وفاقی وزیرِ داخلہ سید محسن رضا نقوی اتھاں ملاقات کیتی۔ وزیراعظم دفتر دے میڈیا ونگ توں جاری بیان موجب وزیرِ داخلہ نے وزیراعظم کوں کرغزستان دے دارالحکومت بشکیک اچ تھیوݨ آلی شنگھائی تعاون کانفرنس دے موقع تے اپݨی مختلف اہم ملاقاتاں دا ݙسایا۔ ملاقات اچ وزیرِ داخلہ دے آندے تہران دے دورے دے حوالے نال وی مشاورت تھئی تے وزیراعظم دورے متعلق رہنمائی ݙتی۔ملاقات اچ ملک دی مجموعی امن و امان تے سکیورٹی صورتحال تے تفصیلی ڳالھ مہاڑ کیتی ڳئی ۔ وزیرِ داخلہ نے وزیراعظم کوں ملک اچ امن و امان دے قیام تے شہریاں دے تحفظ سانڳے کیتے ونڄݨ آلے اقدامات بارے بریفنگ ݙتی۔ وزیراعظم ملک اچ امن و امان دے قیام تے سکیورٹی کوں مزید مؤثر بݨاوݨ کیتے سارے متعلقہ اداریں وچال نیڑے رابطے تے مربوط حکمتِ عملی دی لوڑھ تے زور ݙتا۔
