چیئرمین سینیٹ سید یوسف رضا گیلانی دی MINI آل الیکٹرک گاݙیاں دی شوکیس تقریب اچ شرکت

اسلام آباد۔ 7 جون (اے پی پی) چیئرمین سینیٹ سید یوسف رضا گیلانی اسلام آباد اچ دیوان موٹرز دے زیرِاہتمام MINI برانڈ ڈسپلے تے آل الیکٹرک گاݙیاں دی شوکیس تقریب اچ بطور مہمانِ خصوصی شرکت کیتی۔ سینیٹ سیکرٹریٹ توں جاری پریس ریلیز موجب ایں موقع تے چیئرمین سینیٹ پاکستان اچ جدید، ماحول دوست تے معیاری ٹرانسپورٹ سہولتاں دے ودھارے اچ دیوان موٹرز دے کردار دی تعریف کریندے آکھیا جو الیکٹرک تے جدید گاݙیاں دا ودھارا مستقبل دی پائیدار معاشی ترقی تے ٹیکنالوجی دے شعبے اچ پیشرفت دی علامت اے۔چیئرمین سینیٹ کوں MINI دی نویں آل الیکٹرک رینج تے جدید ٹیکنالوجی متعلق بریفنگ وی ݙتی ڳئی۔ انھاں آکھیا جو نجی شعبے دی ایہو جہی سرمایہ کاری صنعتی ترقی، روزگار دے موقع تے جدید سفری سہولتاں دے ودھارے اچ اہم کردار ادا کریندی اے۔ تقریب اچ کاروباری شخصیات، آٹو موبائل شعبے دے نمائندگان تے میڈیا دے ارکان وی شرکت کیتی۔