ورکنگ وومن دی سہولت کیتے صوبے اچ ڈے کیئر سنٹرز بݨدے پئن، وزیراعلیٰ پنجاب

لاہور۔ 7 جون (اے پی پی) وزیراعلیٰ پنجاب مریم نواز ہر وعدہ سچ کر ݙکھایا۔ وزیراعلیٰ دی طرفوں وویمن ڈے تے ڈے کیئر سنٹرز دے قیام دا عہد تکھے پورا تھیوݨ آلے پاسے ٹردا پئے۔ صوبے اچ وویمن ڈویلپمنٹ ڈیپارٹمنٹ دے زیرِاہتمام سی ایم اسپیشل انیشی ایٹو دے تحت ڈے کیئر سنٹرز دا پراجیکٹ مکمل کیتا ویندا پئے۔ سارے اضلاع دے ہسپتالاں، تعلیمی اداریں تے سرکاری دفتراں اچ 650 ڈے کیئر سنٹرز بݨسن، ڈے کیئر سنٹرز دی تعمیر کیتے ہک ارب روپے مختص کیتے ڳئن۔وویمن ڈویلپمنٹ ڈیپارٹمنٹ دی سیکرٹری ثمن رائے ݙسایا جو پہلے مرحلے اچ 390 ڈے کیئر سنٹرز دے قیام دا ہدف مقرر کیتا ڳئے جنھاں اچوں 350 ڈے کیئر سنٹرز مکمل فنکشنل تھی چکن جݙاں جو 40 زیرِ تکمیل ہن۔ وزیراعلیٰ اڳلے مالی سال تئیں 650 ڈے کیئر سنٹرز دے قیام دا ہدف وی مقرر کرݙتے۔ ݙسایا ویندا پیا اے جو ہرڈے کیئر سنٹر اچ ٻالاں کیتے ایجوکیشنل میٹریل، کھݙوݨے تے ایل سی ڈی نصب ہوسی۔ ڈے کیئر سنٹر اچ تربیت یافتہ کیئر گیور (Caregiver) ٻالاں دی ݙیکھ بھال تے متعین ہوسی۔ ابتدائی طور تے وویمن ڈویلپمنٹ ڈیپارٹمنٹ کیئر گیور دی تنخواہ ادا کریسی۔پنجاب بھر دے دانش سکولاں اچ ورکنگ وویمن ٹیچرز تے اسٹاف کیتے ڈے کیئر سنٹرز قائم تھی چکن۔ جنوبی پنجاب تے پرے دے اضلاع اچ ترجیحی طور تے گرلز کالجز تے ہسپتالاں اچ وی ڈے کیئر سنٹر قائم کیتے ڳئن۔ پنجاب وویمن ڈویلپمنٹ ڈیپارٹمنٹ دے زیرِ اہتمام ڈے کیئر سنٹرز اچ آن لائن مانیٹرنگ سسٹم فنکشنل اے۔وزیراعلیٰ مریم نواز آکھیا جو ورکنگ وویمن دا تحفظ تے انھاں کوں بہترین سہولتاں ݙیوݨ ترجیحات اچ شامل اے۔ ورکنگ وومن دی سہولت کیتے صوبے اچ ڈے کیئر سنٹرز بݨدے پئن۔