برطانیہ اچ مقیم بعض تارکینِ وطن ولوں آزاد جموں و کشمیر دے حوالے توں ݙتے ڳئے غیر ذمہ دارانہ تے حقائق توں لاعلم اشاریاں تے الزامات تے پاکستان دا تشویش دا اظہار

اسلام آباد۔ 8 جون (اے پی پی) پاکستان برطانیہ اچ مقیم بعض تارکینِ وطن افراد ولوں آزاد جموں و کشمیر دے حوالے توں ݙتے ڳئے غیر ذمہ دارانہ تے حقائق توں لاعلم اشاریاں تے الزامات تے تشویش دا اظہار کریندیں ہوئیں انھاں افراد کوں مشورہ ݙتے جو او پاکستان تے آزاد جموں و کشمیر دے اندرونی معاملات اچ مداخلت توں گریز کرن، بہتر ہوسی جو او جتھاں مقیم ہن ایں ملک دی ترقی تے فلاح اچ مثبت کردار ادا کرن۔ سنوار کوں دفترِ خارجہ توں جاری تھیوݨ آلے بیان دے مطابق پاکستان بعض برطانوی اراکینِ پارلیمنٹ ولوں کیتے ڳئے غیر ضروری تبصریاں تے چاوݨ آلے سوالات دا وی نوٹس گھدے جیڑھے ایں معاملے دے تاریخی پسِ منظر توں ناواقفیت تے عدم توجہی دی عکاسی کریندن۔ دفترِ خارجہ دے مطابق جو لوک اڳیں وی نوآبادیاتی دور دی سوچ اچ مبتلا ہن انھاں کوں یاد ݙواوݨ ضروری اے جو پاکستان برطانیہ اچ مقیم بعض تارکینِ وطن افراد ولوں آزاد جموں و کشمیر دے حوالے توں ݙتے ڳئے غیر ذمہ دارانہ تے حقائق توں لاعلم اشاریاں تے الزامات دا تشویش دے نال نوٹس گھدے ۔ انھاں افراد کوں مشورہ ݙتا ویندے جو او پاکستان تے آزاد جموں و کشمیر دے اندرونی معاملات اچ مداخلت توں گریز کرن۔ پاکستان ہک خودمختار تے جمہوری ملک اے جیڑھا ٻئے ملکاں دے اندرونی معاملات اچ عدم مداخلت دے اصول تے پختہ یقین رکھیندے اتے ٻیاں توں وی ایجھے طرزِ عمل دی توقع کریندے۔پاکستان تے آزاد جموں و کشمیر دیاں حکومتاں شہریاں دے پرامن اجتماع، اظہارِ رائے دی آزادی تے جمہوری عمل اچ شرکت دے آئینی حقوق کوں مکمل طور تے تسلیم تے احترام کریندن جڈانجو بھن تروڑ، سرکاری املاک تے عوامی خدمات بشمول ہسپتالاں دی تباہی، توں علاوہ بے گناہ شہریاں تے قانون نافذ کرݨ آلے اہلکاراں دے قتل دی کہیں وی صورت اچ اجازت نہیں ݙتی ونڄ سڳدی۔ ترجمان دفترِ خارجہ آکھیے جو اساں برطانوی حکومت تے زور ݙیندوں جو او کالعدم تنظیماں دی حمایت کرݨ آلے عناصر کوں آگاہ کرے اتے متنبہ کرے جو او ایجھے اقدامات توں باز رہن اتے آزاد جموں و کشمیر تے پاکستان دے آئین اچ درج جمہوری عمل، عدالتی فیصلیاں تے قانون دی حکمرانی دا احترام کرن۔