قومی اسمبلی اتے سینیٹ دے بجٹ اجلاس 10 جون کوں طلب کرݨ دی تجویز تے مبنی سمری ارسال کر ݙتی ڳئی اے، امکان اے بجٹ 12 جون کوں پیش کیتا ویسی، وفاقی وزیرِ پارلیمانی امور

اسلام آباد۔ 9 جون (اے پی پی) وفاقی وزیرِ پارلیمانی امور ڈاکٹر طارق فضل چوہدری آکھیے جو قومی اسمبلی اتے سینیٹ دے بجٹ اجلاس 10 جون کوں طلب کرݨ دے حوالے توں تجویز تے مبنی سمری ارسال کر ݙتی ڳئی اے، امکان اے جو بجٹ 12 جون کوں پیش کیتا ویسی۔ منگل کوں آپݨے ہک بیان اچ انھاں آکھیے جو قومی اسمبلی تے سینیٹ دا اجلاس سݙاوݨ کیتے سمری بھیج ݙتی اے۔ قومی اسمبلی دا اجلاس 10 جون کوں شام پنج وڄے سݙاوݨ دی تجویز اے۔ سینیٹ دا اجلاس 10 جون کوں چار وڄے سݙاوݨ دی سمری بھیجی ڳئی اے۔ امکان اے جو بجٹ 12 جون کوں پیش کیتا ویسی۔