اسلام آباد۔1اگست (اے پی پی) چیئرمین سینیٹ سید یوسف رضا گیلانی رکنِ قومی اسمبلی ملک محمد اقبال چنڑ دے انتقال تے ݙکھ تے افسوس دا اظہار کریندیں ہوئیں انھاں دی پارلیمانی، سیاسی تے عوامی خدمات کوں زبردست خراجِ تحسین پیش کیتے۔ سینیٹ سیکرٹریٹ ولوں ہفتہ کوں جاری آپݨے تعزیتی سنیھے اچ چیئرمین سینیٹ آکھیا جو ملک محمد اقبال چنڑ دے انتقال نال ملک ہک مخلص تے عوام دوست عوامی نمائندے …
چیئرمین سینیٹ سید یوسف رضا گیلانی دا ایم این اے ملک محمد اقبال چنڑ دے انتقال تے افسوس
مزید خبراں
اسلام آباد۔1اگست (اے پی پی) چیئرمین سینیٹ سید یوسف رضا گیلانی رکنِ قومی اسمبلی ملک محمد اقبال چنڑ دے انتقال تے ݙکھ تے افسوس دا اظہار کریندیں ہوئیں انھاں دی پارلیمانی، سیاسی تے عوامی خدمات کوں زبردست خراجِ تحسین پیش کیتے۔ سینیٹ سیکرٹریٹ ولوں ہفتہ کوں جاری آپݨے تعزیتی سنیھے اچ چیئرمین سینیٹ آکھیا جو ملک محمد اقبال چنڑ دے انتقال نال ملک ہک مخلص تے عوام دوست عوامی نمائندے توں محروم تھی ڳئ۔ انھاں آکھیا جو مرحوم پارلیمنٹرین جمہوری اقدار دے فروغ کیتے گرانقدر خدمات سرانجام ݙتیاں اتے آپݨے پورے سیاسی تے پارلیمانی کیریئر اچ عوام دی خدمت کیتے پرعزم رہ گئن۔ چیئرمین سینیٹ سید یوسف رضا گیلانی پنجاب اسمبلی دے ڈپٹی سپیکر ملک ظہیر اقبال چنڑ نال انھاں دے والد دے انتقال تے دلی تعزیت دا اظہار اتے سوگوار خاندان نال دلی ہمدردی دا اظہار وی کیتا۔ انھاں ایں مشکل دی گھڑی اچ انھاں کوں آپݨی یکجہتی دا یقین ݙوایا۔چیئرمین سینیٹ سید یوسف رضا گیلانی دعا کیتی جو اللہ تعالیٰ مرحوم دی روح کوں جوارِ رحمت اچ ڄاہ ݙیوے اتے سوگوار خاندان کوں اے ناقابلِ تلافی نقصان برداشت کرݨ کیتے صبرِ جمیل عطا فرماوے۔
