اسلام آباد۔ 3 اگست (اے پی پی) سپیکر قومی اسمبلی سردار ایاز صادق ڈپٹی سپیکر پنجاب اسمبلی ملک ظہیر اقبال چنڑ دی رہائش گاہ تے ونڄ تے انھاں دے والد رکنِ قومی اسمبلی ملک محمد اقبال چنڑ مرحوم دے انتقال تے تعزیت کیا۔قومی اسمبلی سیکرٹریٹ موجب سپیکر سردار ایاز صادق ملک محمد اقبال چنڑ مرحوم دے انتقال تے ݙکھ تے افسوس کریندے آکھیا جو او ہک مخلص، بااصول تے …
ملک محمد اقبال چنڑ دی عوامی تے پارلیمانی خدمات ہمیشہ یاد رکھیاں ویسن، سردار ایاز صادق
اسلام آباد۔ 3 اگست (اے پی پی) سپیکر قومی اسمبلی سردار ایاز صادق ڈپٹی سپیکر پنجاب اسمبلی ملک ظہیر اقبال چنڑ دی رہائش گاہ تے ونڄ تے انھاں دے والد رکنِ قومی اسمبلی ملک محمد اقبال چنڑ مرحوم دے انتقال تے تعزیت کیا۔قومی اسمبلی سیکرٹریٹ موجب سپیکر سردار ایاز صادق ملک محمد اقبال چنڑ مرحوم دے انتقال تے ݙکھ تے افسوس کریندے آکھیا جو او ہک مخلص، بااصول تے عوام دوست شخصیت دے مالک ہن۔ سردار ایاز صادق آکھیا جو مرحوم دی پارلیمانی، سیاسی تے عوامی خدمات کوں قدر تے احترام نال یاد رکھیا ویسے۔ انھاں مزید آکھیا جو مرحوم اپݨی زندگی عوامی خدمت، جمہوری اقدار دے ودھارے تے عوامی مسئلیں دے حل کیتے وقف کر رکھی ہائی۔سپیکر سردار ایاز صادق آکھیا جو والد دا سایہ سر توں اٹھی ونڄݨ ہک ناقابلِ تلافی ضیان اے۔ انھاں آکھیا جو ݙکھے ویلھے او ڈپٹی سپیکر پنجاب اسمبلی ملک ظہیر اقبال چنڑ تے انھاں دے خاندان دے ݙکھ برابر دے شریک ہن۔ایں موقع تے سپیکر قومی اسمبلی سردار ایاز صادق مرحوم دے ایصالِ ثواب کیتے فاتحہ خوانی کیتی تے دعا کیتی جو اللہ تعالیٰ مرحوم ملک محمد اقبال چنڑ کوں جنت الفردوس اچ اعلیٰ مقام تے لواحقین کوں ایں ناقابلِ تلافی ضیان کوں برداشت کرݨ کیتے صبرِ جمیل عطا فرماوے۔
