اسلام آباد۔ 4 اگست (اے پی پی) وفاقی وزیرِ ریلوے محمد حنیف عباسی ”یومِ شہدائے پولیس“ دے موقع تے قوم دے بہادر سپوتاں کوں زبردست خراجِ عقیدت پیش کریندیں آکھیا جو وطنِ عزیز دے تحفظ تے امن و امان دے قیام کیتے پولیس فورس دیاں قربانیاں ناقابلِ فراموش تے پوری قوم کیتے ماݨ دی ڳالھ ہن اپݨے ہک پیغام اچ وفاقی وزیر آکھیا جو دہشت گردی تے جرائم مکاوݨ …
شہدائے پولیس دیاں قربانیاں پوری قوم کیتے باعثِ افتخار ہن، وفاقی وزیرِ ریلوے محمد حنیف عباسی
اسلام آباد۔ 4 اگست (اے پی پی) وفاقی وزیرِ ریلوے محمد حنیف عباسی ”یومِ شہدائے پولیس“ دے موقع تے قوم دے بہادر سپوتاں کوں زبردست خراجِ عقیدت پیش کریندیں آکھیا جو وطنِ عزیز دے تحفظ تے امن و امان دے قیام کیتے پولیس فورس دیاں قربانیاں ناقابلِ فراموش تے پوری قوم کیتے ماݨ دی ڳالھ ہن اپݨے ہک پیغام اچ وفاقی وزیر آکھیا جو دہشت گردی تے جرائم مکاوݨ کیتے پولیس فورس جئیں پیشہ ورانہ مہارت تے بہادری دا مظاہرہ کیتے، او قابلِ تحسین اے۔ خیبر پختونخوا تے بلوچستان سودھے ملک دے پولیس اہلکاراں امن دی خاطر اپݨی جاناں دے نذرانے پیش کیتے، جیں دے عزم تے جذبے کوں پوری قوم سلام پیش کریندی اے۔محمد حنیف عباسی شہداء دے لواحقین نال مکمل اظہارِ یکجہتی کریندیں آکھیا جو شہدائے پولیس دے اہلِ خانہ دیاں قربانیاں پوری قوم دا سانجھا سرمایہ ہن تے حکومت انھاں دے رلے کھڑی اے ۔یومِ شہدائے پولیس اساں کوں اپݨے انھاں محافظاں دیاں عظیم خدمات دے اعتراف تے انھاں دیاں یاداں کوں تازہ رکھݨ دا پیغام ݙیندے۔ انھاں زور ݙتا جو ملک اچ پائیدار امن، قانون دی بلاامتیاز عملداری تے تحفظ ݙیوݨ کیتے ہک مضبوط، جدید تے باصلاحیت پولیس فورس دی تشکیل ناگزیراے۔
