اسلام آباد۔ 4 اگست(اے پی پی)وفاقی سیکرٹری اطلاعات و نشریات اشفاق احمد خلیل آکھیے جو ایسوسی ایٹڈ پریس آف پاکستان (اے پی پی) دے پیشہ ورانہ فروغ اتے ادارے دے ملازماں دی فلاح و بہبود کیتے ودھ اقدامات کیتے ویسن۔ اے ڳالھ انہاں اسلام آباد اچ اے پی پی ہیڈکوارٹرز اچ بورڈ آف ڈائریکٹرز دے 35 ویں اجلاس دی صدارت دے بعد اے پی پی دے ملازماں نال الیندے آکھی۔ …
وفاقی سیکرٹری اطلاعات و نشریات دا اے پی پی دی پیشہ ورانہ ترقی دا عزم، بورڈ آف ڈائریکٹرز دے اجلاس اچ انتظامی و مالی امور دی منظوری
اسلام آباد۔ 4 اگست(اے پی پی)وفاقی سیکرٹری اطلاعات و نشریات اشفاق احمد خلیل آکھیے جو ایسوسی ایٹڈ پریس آف پاکستان (اے پی پی) دے پیشہ ورانہ فروغ اتے ادارے دے ملازماں دی فلاح و بہبود کیتے ودھ اقدامات کیتے ویسن۔ اے ڳالھ انہاں اسلام آباد اچ اے پی پی ہیڈکوارٹرز اچ بورڈ آف ڈائریکٹرز دے 35 ویں اجلاس دی صدارت دے بعد اے پی پی دے ملازماں نال الیندے آکھی۔ انہاں آکھیا جو ملازماں دے زیرِ التواء مسائل کوں ترجیحی بنیاداں تے حل کرݨ کیتے پورا ہتھ ونݙیسوں۔ اجلاس اچ اے پی پی دے انتظامی اتے مالی امور بارے ایجنڈا آئٹمز دا جائزہ ڳھدا ڳیا اتے انھاں دی منظوری ݙتی ڳئی۔ اجلاس اچ قائم مقام منیجنگ ڈائریکٹر اے پی پی سبین عثمان خٹک، پرنسپل انفارمیشن آفیسر ریئسہ عادل، ڈائریکٹر جنرل پاکستان براڈکاسٹنگ کارپوریشن سعید شیخ، سینئر صحافی محمد نواز رضا، جوائنٹ سیکرٹری ایکسپنڈیچر فنانس ڈویژن اظہار احمد سودھا بورڈ دے ارکان اتے اے پی پی دے سینئر حکام شرکت کیتی۔ سینیٹر سرمد علی، پنجاب یونیورسٹی دے شعبہِ ابلاغِ عامہ دی سربراہ نوشینہ سلیم اتے ڈائریکٹر جنرل انٹرنل پبلسٹی عاشق شیخ اجلاس اچ ویڈیو لنک تے شریک تھئے۔ اے پی پی دے ملازماں بورڈ آف ڈائریکٹرز دے ایجنڈا آئٹمز دی منظوری کوں خوش اسلوبی نال مکمل کرݨ تے سیکرٹری اطلاعات، بورڈ دے ارکان اتے اے پی پی انتظامیہ دا شکریہ ادا کیتے۔
