آئی ایس پی آر یومِ استحصالِ کشمیر دی مناسبت نال خصوصی نغمہ جاری کر ݙتا

اسلام آباد۔ 5 اگست (اے پی پی) پنج اگست یومِ استحصالِ کشمیر دے موقع تے آئی ایس پی آر نواں نغمہ ’’آزادی‘‘ جاری کر ݙتا۔ واجد سعید دی سحر انگیز آواز اچ اے نغمہ کشمیری عوام دے جذبات تے امنگاں دی ترجمانی کریندے، نغمے دے بول ’’تمہارے ساتھ تھے اور ساتھ ہم رہیں گے‘‘ کشمیریاں دی پاکستان دے نال مکمل وابستگی تے یکجہتی دی عکاسی کریندن، دل کوں موہݨ آلے بول تے ولولہ انگیز دھن دے نال اے نغمہ امید، استقامت تے عزم دے احساس کوں نمایاں کریندے، اے نغمہ اہل کِشمیر دی ثابت قدمی، امید تے آپݨے حق کیتے جاری جدوجہد کوں خراجِ تحسین پیش کریندے۔ نغمے اچ جنت نظیر وادیِ کشمیر اچ بھارتی قتل و غارت تے تریمتیں تے ٻالاں تے بہیمانہ مظالم کوں اجاگر کیتا ڳئے۔ پاکستان کشمیریاں دے حقِ خودارادیت کیتے ہمیشہ کشمیری بھراواں دے نال کھڑا رہسی۔