عمان۔ 5 اگست (اے پی پی) نائب وزیراعظم و وزیرِ خارجہ سینیٹر محمد اسحاق ڈار اردن دے دارالحکومت عمان پڄ ڳئے جتھاں او مقبوضہ بیت المقدس نال متعلق اردن دی میزبانی اچ منعقد تھیوݨ آلے وزارتی اجلاس اچ شرکت کریسن۔ بدھ کوں دفترِ خارجہ دے مطابق عمان آوݨ تے نائب وزیراعظم دا استقبال اردن دی وزارتِ خارجہ و سمندر پار اردنیاں دے امور دی وزارت دے ڈائریکٹوریٹ برائے انسانی حقوق …
نائب وزیراعظم اردن دے دارالحکومت عمان پڄ ڳئے، مقبوضہ بیت المقدس بارے وزارتی اجلاس اچ شرکت کریسن
عمان۔ 5 اگست (اے پی پی) نائب وزیراعظم و وزیرِ خارجہ سینیٹر محمد اسحاق ڈار اردن دے دارالحکومت عمان پڄ ڳئے جتھاں او مقبوضہ بیت المقدس نال متعلق اردن دی میزبانی اچ منعقد تھیوݨ آلے وزارتی اجلاس اچ شرکت کریسن۔ بدھ کوں دفترِ خارجہ دے مطابق عمان آوݨ تے نائب وزیراعظم دا استقبال اردن دی وزارتِ خارجہ و سمندر پار اردنیاں دے امور دی وزارت دے ڈائریکٹوریٹ برائے انسانی حقوق دی ڈائریکٹر سجا المجالی، اردن اچ پاکستان دے سفیر میجر جنرل (ر) خرم سرفراز خان تے سفارت خانے دے حکام کیتا۔ نائب وزیراعظم بدھ کوں مختلف اہم مصروفیات اچ حصہ گھنسن جئیں اچ وزارتی اجلاس اچ شرکت، اردن دے شاہ عبداللہ نال ملاقات تے ٻیاں ملکاں دے وزرائے خارجہ دے نال ݙوپاسہ ملاقاتاں شامل ہن۔ انھاں ملاقاتاں اچ مقبوضہ فلسطینی علاقیاں دی صورتحال، علاقائی امور تے آپسی دلچسپی دے ݙوپاسہ معاملات تے ڳالھ کیتی ویسی۔
