اسلام آباد۔ 6 اگست (اے پی پی) اعلیٰ سطحی سفارتی وفد این ڈی ایم اے ہیڈکوارٹرز اسلام آباد اچ نیشنل ایمرجنسیز آپریشنز سینٹر (این ای او سی) دا دورہ کیتا۔وفد اچ تاجکستان، میانمار، سری لنکا، عمان، سپین، جاپان، بنگلہ دیش، جرمنی، کینیڈا سودھے مختلف ملکاں دے سفارتکار شامل ہن۔ سفارتی وفد کوں این ڈی ایم اے ہیڈکواٹر اچ این ای او سی دے صلاحیتی دائرہ کار تے بریفنگ ݙتی ڳئی۔ …
اعلیٰ سطحی سفارتی وفد دا نیشنل ایمرجنسیز آپریشنز سینٹر دا دورہ، این ای او سی دے صلاحیتی دائرہ کار تے بریفنگ
اسلام آباد۔ 6 اگست (اے پی پی) اعلیٰ سطحی سفارتی وفد این ڈی ایم اے ہیڈکوارٹرز اسلام آباد اچ نیشنل ایمرجنسیز آپریشنز سینٹر (این ای او سی) دا دورہ کیتا۔وفد اچ تاجکستان، میانمار، سری لنکا، عمان، سپین، جاپان، بنگلہ دیش، جرمنی، کینیڈا سودھے مختلف ملکاں دے سفارتکار شامل ہن۔ سفارتی وفد کوں این ڈی ایم اے ہیڈکواٹر اچ این ای او سی دے صلاحیتی دائرہ کار تے بریفنگ ݙتی ڳئی۔ دنیا دے مختلف ملکاں اچ تعینات پاکستان دے 34 توں ودھ سفیراں تے ہیڈز آف مشن ویڈیو لنک دے ذریعے اجلاس اچ شرکت کیتی۔ این ڈی ایم اے توں جاری بیان موجب چیئرمین این ڈی ایم اے لیفٹیننٹ جنرل انعام حیدر ملک وفد کوں پاکستان دے جدید، فعال تے ٹیکنالوجی تے مبنی ڈیزاسٹر مینجمنٹ نظام تے بریفنگ ݙتی۔ وفد کوں ڈیزاسٹر ارلی وارننگ، جدید ٹیکنالوجی، قومی رابطہ کاری دے نظام تے این ڈی ایم اے دی آپریشنل استعداد کار دا ݙسایا ڳیا۔اجلاس اچ پاکستان سودھے مختلف ملکاں کوں 2026ء دے دوران درپیش خطرے دے حوالے نال تفصیلی بریفنگ ݙتی ڳئی۔ سفارتی وفد این ڈی ایم اے دیاں جدید ڈیزاسٹر مینجمنٹ صلاحیتاں، وقتی تیاری تے عالمی معیار دے ایمرجنسی رسپانس نظام دی تعریف کیتی۔پاکستان تے شریک ملکاں موسمیاتی تبدیلی، قدرتی آفتاں نال نبڑݨ، ادارہ جاتی تعاون تے ڈیزاسٹر رسپانس دے شعبیں اچ تعاون مزید تکڑا بݨاوݨ دے عزم دا اظہار کیتا
