آندے 24 گھنٹے اچ ملک دے ٻہوں سارے علاقیں اچ موسم گرم رہݨ دا امکان ،محکمہ موسمیات

اسلام آباد۔ 6 اگست (اے پی پی)ملک دے ٻہوں سارے علاقیں اچ آندے 24 گھنٹے دے دوران موسم گرم تے مرطوب رہݨ دی توقع اے تاں جو کشمیر، گلگت بلتستان، خیبرپختونخوا، اسلام آباد تے اُتلے/وسطی پنجاب اچ کجھ جہیں تے تکھی ہوا تے کھمݨ گاجاں نال مینھ وسݨ دا امکان اے ، ایں دوران کجھ جہیں تے زور دا مینھ وس سڳدے ۔محکمہِ موسمیات موجب موجودہ صورتحال پاروں کمزور ساوݨ ہوائیں ملک دے اُتلے تے مشرقی علاقیں اچ داخل تھیندیاں پئن۔ مغربی ہوائیں دا سلسلہ وی ملک دے شمالی علاقیں تے اثر انداز اے۔ صبحائیں جمعہ دے ݙینھ ٻہوں سارے علاقیں اچ موسم گرم رہݨ دی توقع اے تاں جو شام/رات اچ کشمیر، گلگت بلتستان، خیبرپختونخوا تے اتلے پنجاب اچ کجھ جہیں تے زور دی ہوا تے کھمݨ گاجاں نال مینھ وس سڳدے۔گزریل 24 گھنٹے دے دوران ملک دے ٻہوں علاقیں اچ موسم گرم ریہاجݙاں جو اسلام آباد، اُتلے پنجاب، اُتلے خیبر پختونخوا، کشمیر تے گلگت بلتستان اچ کجھ جہیں تے زور دی ہوا تے کھمݨ گاجاں نال مینھ وٹھا ۔ ساریں توں ودھ مینھ اسلام آباد (بوکرا 54، ایئرپورٹ 32، زیرو پوائنٹ 24، گولڑہ 14، سیدپور 08)، پنجاب: راولپنڈی (گوالمنڈی 55، پیرودھائی، کٹاریاں 47، کچہری 31، شمس آباد 29، چکلالہ 28)، سرگودھا سٹی 38، نارووال 23، لاہور (سٹی 20، ایئرپورٹ 02)، گجرات 18، مری 15، گوجرانوالہ 13، جہلم 07، اٹک 05، چکوال تے اوکاڑہ 04، سیالکوٹ ایئرپورٹ 03، فیصل آباد 01، کشمیر: مظفرآباد (ایئرپورٹ 32، سٹی 30)، گڑھی دوپٹہ 12، خیبر پختونخوا: پاراچنار 22، مالم جبہ 14، دیر 12، کاکول 11، بالاکوٹ 09، سیدو شریف 02، گلگت بلتستان: سکردو اچ 01 ملی میٹر مینھ ریکارڈ کیتا ڳئے ۔ خمیس دے ݙینھ ریکارڈ کیتے ڳئے ودھ توں ودھ درجہ حرارت: تربت 45، سبی 44، دالبندین تے دادو اچ 43 ڈگری سینٹی گریڈ ریکارڈ کیتا ڳئے