آئی ایس پی آر سمر انٹرن شپ پروگرام 2026ء، مفتی عبدالرحیم دا نینگراں کوں قومی ذمہ واریاں دا پیغام

اسلام آباد۔ 6 اگست (اے پی پی) چانسلر الغزالی یونیورسٹی مفتی عبدالرحیم آئی ایس پی آر دے زیرِاہتمام سمر انٹرن شپ پروگرام 2026ء دے تحت خصوصی نشست اچ شرکت کیتی تے پورے پاکستان دے 21 سٹیشناں توں شریک 6,150 توں ودھ طالبیں نال خطاب کیتا۔مفتی عبدالرحیم نظریۂ پاکستان، ریاست دی اہمیت، فتنہ الخوارج تے قومی سلامتی تے تفصیلی ڳالھ مہاڑ کیتی۔ انھاں آکھیا جو پاکستان اللہ دی عظیم نعمت تے امانت اے جیں نال محبت، حفاظت تے ترقی ہر شہری دی دینی و قومی ذمہ واری اے، امن، انصاف، عوام دے جان و مال تے عزت و آبرو دا تحفظ ریاست تے حکمراناں دی بنیادی ذمہ واری اے۔نشست دے دوران مفتی عبدالرحیم فتنہ الخوارج دے خلاف سکیورٹی فورسز دیاں قربانیاں کوں عظیم دینی و قومی فریضہ قرار ݙتا۔ انھاں آکھیا جو فتنہ الخوارج مسلماناں کوں نشانہ بݨیندن جݙاں جو اسلام امن، بے گناہ جاناں دے تحفظ تے فساد مکاوݨ دی تعلیم ݙیندے۔چانسلر الغزالی یونیورسٹی غزوۂ احد اچ حضرت امِّ عمارہؓ دی جرأت تے قربانی کوں تریمتاں دے معاشرے تے قومی سلامتی اچ مؤثر کردار دی عملی مثال قرار ݙتا