اسلام آباد۔ 6 اگست(اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر صومالیہ دے سکیورٹی نظام کوں ٻیا مضبوط بݨاوݨ اتے خطے اچ پائیدار امن سانڳے پاکستان ولوں ودھ تعاون دا عزم دوہرائے۔ پاک فوج دے شعبہ تعلقات عامہ (آئی ایس پی آر) توں جاری بیان دے مطابق چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال …
فیلڈ مارشل سید عاصم منیر دا صومالیہ دے سکیورٹی نظام کوں ٻیا تکڑا ٻݨاوݨ اتے خطے اچ پائیدار امن سانڳے مکمل تعاون دا عزم
مزید خبراں
اسلام آباد۔ 6 اگست(اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر صومالیہ دے سکیورٹی نظام کوں ٻیا مضبوط بݨاوݨ اتے خطے اچ پائیدار امن سانڳے پاکستان ولوں ودھ تعاون دا عزم دوہرائے۔ پاک فوج دے شعبہ تعلقات عامہ (آئی ایس پی آر) توں جاری بیان دے مطابق چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال وفاقی جمہوریہ صومالیہ دے وزیرِ دفاع سفیر احمد معلم فقی دی قیادت اچ ہک اعلیٰ سطح دے وفد جنرل ہیڈکوارٹرز (جی ایچ کیو) راولپنڈی اچ ملاقات کیتی۔ ملاقات اچ باہمی دلچسپی دے امور، خطے دی سکیورٹی دی صورتحال اتے ݙوطرفہ دفاعی و سکیورٹی تعاون ٻیا ودھاوݨ دے اقدامات تے ڳاکھ مہاڑ کیتی ڳئی۔ فریقین مشترکہ سکیورٹی چیلنجز نال نمٹݨ کیتے عسکری سطح تے تعلقات کوں ٻیا مضبوط بݨاوݨ اتے استعدادِ کار ودھاوݨ دے اقدامات تے زور ݙتے۔ صومالی وفد دے سربراہ علاقائی امن و استحکام سانڳے پاکستان دی مستقل حمایت تے پاکستان دی مسلح افواج دے پیشہ وارانہ کردار دی تعریف کیتی۔
