اسلام آباد۔ 6 اگست(اے پی پی)وفاقی وزیرِ داخلہ محسن نقوی اسلام آباد ایکسپریس وے دی خراب سروس روڈ دی بحالی اتے کشادگی دے منصوبے دا تفصیلی دورہ کیتے۔ وزیرِ داخلہ پراجیکٹ تے جاری ترقیاتی کماں دے معیار اتے رفتار دا جائزہ ڳھدے۔ ایں موقع تے چیئرمین سی ڈی اے وفاقی وزیرِ داخلہ کوں پراجیکٹ دے خدوخال، پیشرفت اتے درپیش چیلنجز تے تفصیلی بریفنگ ݙتی۔ ایں موقع تے ڈپٹی کمشنر اسلام …
محسن نقوی دا اسلام آباد ایکسپریس وے دی سروس روڈ دی بحالی اتے کشادگی دے منصوبے دا تفصیلی دورہ
مزید خبراں
اسلام آباد۔ 6 اگست(اے پی پی)وفاقی وزیرِ داخلہ محسن نقوی اسلام آباد ایکسپریس وے دی خراب سروس روڈ دی بحالی اتے کشادگی دے منصوبے دا تفصیلی دورہ کیتے۔ وزیرِ داخلہ پراجیکٹ تے جاری ترقیاتی کماں دے معیار اتے رفتار دا جائزہ ڳھدے۔ ایں موقع تے چیئرمین سی ڈی اے وفاقی وزیرِ داخلہ کوں پراجیکٹ دے خدوخال، پیشرفت اتے درپیش چیلنجز تے تفصیلی بریفنگ ݙتی۔ ایں موقع تے ڈپٹی کمشنر اسلام آباد، ایڈیشنل ڈپٹی کمشنر اتے پراجیکٹ ڈائریکٹر وی موجود ہن۔ محسن نقوی متعلقہ حکام کوں یوٹیلیٹی سروسز خصوصاً رستے اچ آوݨ والے بجلی اتے ݙوجھے پولز کوں تیکھے منتقل کرݨ دی ہدایت کیتی۔ وزیرِ داخلہ آکھیا جو 9 کلو میٹر توں ودھ طویل ایں سروس روڈ تے ایں ویلھے گندگی، غیر قانونی قبضے اتے غیر قانونی تعمیرات موجود ہین اتے سڑک دی حالت ݙاݙھی خراب اے ٻھل اساں ایں سڑک کوں ہک جدید ماڈل روڈ ٻݨیسوں۔ انھاں آکھیا جو ایں اہم منصوبے کوں گھٹ توں گھٹ ممکنہ مدت اچ مکمل کیتا ویسی تاں جو شہریاں کوں بہترین سفری سہولیات ملن، اتے ایںدے نال نال اسلام آباد کوں مزید گرین اتے سرسبز ٻݨایا ویسی۔
