جدہ۔ 6 اگست (اے پی پی) وزیراعظم محمد شہباز شریف سعودی ولی عہد و وزیراعظم شہزادہ محمد بن سلمان بن عبدالعزیز آلِ سعود دی دعوت تے سعودی عرب دے دورے تے جدہ پڄ ڳئن۔ جدہ پڄݨ تے مکہ دے نائب گورنر شہزادہ سعود بن مشال بن عبدالعزیز، سعودی عرب دے وزیر زراعت، پانی و ماحولیات انجینئر عبدالرحمن بن عبدالمحسن الفضلی، پاکستان دے سعودی عرب اچ سفیر احمد فاروق اتے اعلیٰ …
وزیراعظم محمد شہباز شریف سعودی ولی عہد و وزیراعظم محمد بن سلمان بن عبدالعزیز آلِ سعود دی دعوت تے سعودی عرب دے دورے تے جدہ پڄ ڳئن
جدہ۔ 6 اگست (اے پی پی) وزیراعظم محمد شہباز شریف سعودی ولی عہد و وزیراعظم شہزادہ محمد بن سلمان بن عبدالعزیز آلِ سعود دی دعوت تے سعودی عرب دے دورے تے جدہ پڄ ڳئن۔ جدہ پڄݨ تے مکہ دے نائب گورنر شہزادہ سعود بن مشال بن عبدالعزیز، سعودی عرب دے وزیر زراعت، پانی و ماحولیات انجینئر عبدالرحمن بن عبدالمحسن الفضلی، پاکستان دے سعودی عرب اچ سفیر احمد فاروق اتے اعلیٰ سفارتی حکام وزیراعظم اتے پاکستانی وفد دا استقبال کیتے۔ وزیراعظم سعودی عرب اچ سعودی ولی عہد و وزیراعظم شہزادہ محمد بن سلمان بن عبدالعزیز آلِ سعود نال ملسن اتے پاکستان تے سعودی عرب دے دیرینہ برادرانہ تعلقات سودھا ساڄھے داری ٻئی مضبوط بݨاوݨ اتے خطے دی صورتحال تے ڳالھ مہاڑ کریسن۔ وزیراعظم دورے اچ عمرہ ادا کریسن اتے مدینہ منورہ اچ روضہِ رسول صلی اللہ علیہ وآلہ وسلم تے حاضری وی ݙیسن۔ نائب وزیراعظم و وزیر خارجہ محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر، وفاقی وزراء خواجہ محمد آصف، عطاء اللہ تارڑ اتے معاونِ خصوصی طارق فاطمی وی وزیراعظم دے نال ہین۔
