پاکستان، سعودی عرب تے ترکیہ وچال مشترکہ دفاعی معاہدہ مسلم دنیا کیتے ہک تاریخی سنگِ میل اے، ڈاکٹر طارق فضل چوہدری

اسلام آباد۔ 7 اگست (اے پی پی) وفاقی وزیرِپارلیمانی امور ڈاکٹر طارق فضل چوہدری آکھیا جو پاکستان، سعودی عرب تے ترکیہ وچال مشترکہ دفاعی معاہدہ مسلم دنیا کیتے ہک تاریخی سنگِ میل اے، “مکہ جوائنٹ ڈیفنس ایگریمنٹ” سانجھا اعتماد، مشترکہ اقدار تے ݙہاکیں تے محیط لازوال بھرپی دی عکاسی کریندے۔ سماجی رابطہ دی ویب سائٹ ایکس تے اپݨے ہک بیان اچ انھاں آکھیا جو اے تاریخی معاہدہ اتحاد، اجتماعی سلامتی تے سٹریٹجک تعاون دا واضح پیغام اے، پائیدار امن تے علاقائی استحکام کیتے اے دفاعی اتحاد ٻہوں ضروری اے، دعا اے جو اے اتحاد ترائی ملکاں وچال تعلقات کوں مزید تکڑا کرے۔ انھاں آکھیا جواے دفاعی شراکت داری آوݨ آلیاں نسلاں کیتے طاقت، یکجہتی تے خوشحالی دا باعث بݨسی۔