اکادمی ادبیات پاکستان دی طرفوں سال 2025ء دا ’’کمالِ فن ایوارڈ‘‘ معروف براہوی ادیب تے شاعر عبد الرحمن براہوی کوں ݙیوݨ دا فیصلہ کیتا ڳئے ،ڈاکٹرنجیبہ عارف

اسلام آباد۔ 7 اگست (اے پی پی) اکادمی ادبیات پاکستان دی طرفوں سال 2025ء دا ’’کمالِ فن ایوارڈ‘‘ معروف براہوی ادیب تے شاعر عبد الرحمن براہوی کوں ݙیوݨ دا فیصلہ کیتا ڳئے۔ ایں دا اعلان اکادمی ادبیات پاکستان دی چیئرپرسن پروفیسر ڈاکٹر نجیبہ عارف ایوارڈ کمیٹی دے اجلاس دے بعد پریس کانفرنس توں خطاب کریندیں آکھی۔کمالِ فن ایوارڈ‘‘ پاکستان دا ساریں توں وݙا تے باوقار ادبی اعزاز اے، جیں دے نال 10 لکھ روپے وی ݙتے ویندن۔ ایوارڈ دا فیصلہ کرݨ آلے پینل اچ منیر احمد بادینی، ڈاکٹر عبدالرزاق صابر، ڈاکٹر فہمیدہ حسین، مبین مرزا، ڈاکٹر خالد محمود سنجرانی، رانا محبوب اختر، ڈاکٹر امجد طفیل، ڈاکٹر روبینہ شاہین، ڈاکٹر اباسین یوسفزئی، حسام حر، ثروت محی الدین، محمد قاسم نسیم تے حارث خلیق شامل ہن۔ اجلاس دی صدارت معروف ادیب تے دانش ور منیر احمد بادینی کیتی۔صدرنشین اکادمی اپݨی تے اکادمی ادبیات پاکستان دی طرفوں ڈاکٹر عبد الرحمن براہوی تے اہلِ بلوچستان کوں ایں اہم ادبی اعزاز تے دلی مبارک باد پیش کیتی۔ایں موقع تے اجلاس دے صدر منیر احمد بادینی آکھیا جو انھاں کوں ایں ڳالھ دی دلی مسرت اے جو ایں سال ’’کمالِ فن ایوارڈ‘‘ براہوی زبان دے ہک ایجھے ممتاز ادیب کوں ݙتا ویندا پئے جیں دیاں ادبی خدمات نہ صرف براہوی زبان بلکہ پاکستان دے مجموعی ادبی منظرنامے دا وی قیمتی سرمایہ ہن۔ انھاں آکھیا جو اکادمی ادبیات پاکستان دی چیئرپرسن پروفیسر ڈاکٹر نجیبہ عارف قومی تے علاقائی زباناں دے ادب کوں یکساں اہمیت ݙے تے ادبی تنوع تے قومی یکجہتی کوں ودھاراݙتے، جیڑھا قابلِ تحسین اقدام اے۔منیر احمد بادینی اکادمی ادبیات پاکستان دی مجموعی کارکردگی کوں خراجِ تحسین پیش کریندیں آکھیا جو انھاں دے تجربے دے مطابق، جݙاں توں پروفیسر ڈاکٹر نجیبہ عارف ادارے دی سربراہی سنبھالی اے، بلوچستان توں آوݨ آلے اہلِ قلم کوں کݙاہیں اجنبیت دا احساس نی تھیا۔ انھاں آکھیا جو چیئرپرسن تے انھاں دی پوری ٹیم ہمیشہ پاکستان دیاں ساریاں زباناں دے ادیباں تے شاعراں دی عزت افزائی کیتی اے تے ملکی زباناں دے ودھارے کیتے عملی اقدامات کیتن۔ انھاں ایں امر تے وی اطمینان دا اظہار کیتا جو ایوارڈز دے انتخاب اچ ادبی معیار، شفافیت تے غیر جانب داری کوں مقدم رکھیا ڳئے۔ایں موقع تے سال 2025ء دے قومی ادبی ایوارڈز دا وی اعلان کیتا ڳیا۔ چیئرپرسن اکادمی ادبیات پاکستان پروفیسر ڈاکٹر نجیبہ عارف ݙسایا اردو نثر (تخلیقی ادب، فکشن): “سعادت حسن منٹو ایوارڈ” اخلاق احمد دی کتاب ’’بھید بھرے‘‘ کوں ݙتا ڳیا (منصفین: مبین مرزا، ڈاکٹر خالد محمود سنجرانی، محمد حمید شاہد۔اردو نثر (تخلیقی ادب، نان فکشن): “مشتاق احمد یوسفی ایوارڈ” محمد اظہار الحق دی کتاب ’’بکھری ہے میری داستاں‘‘ کوں ݙتا ڳیا (منصفین: ڈاکٹر ناصر عباس نیّر، محمد حمید شاہد، عرفان جاوید)۔اردو نثر (تحقیقی و تنقیدی ادب): “بابائے اردو مولوی عبدالحق ایوارڈ” ساجد صدیق نظامی دی کتاب ’’تحولاتِ نثرِ اردو‘‘ کوں ݙتا ڳیا (منصفین: ڈاکٹر رؤف پاریکھ، ڈاکٹر انوار احمد، ڈاکٹر امجد طفیل)۔اردو شاعری: ’’علامہ محمد اقبال ایوارڈ‘‘ غلام حسین ساجد دی کتاب ’’حافظہ‘‘ کوں ݙتا ڳیا (منصفین: شعیب بن عزیز، نصیر احمد ناصر، سرور جاوید)۔پنجابی شاعری: ’’سید وارث شاہ ایوارڈ‘‘ ظہیر وٹو دی کتاب ’’کانہہ دے بلوں‘‘ جݙاں جو پنجابی نثر کیتے ’’افضل احسن رندھاوا ایوارڈ‘‘ سلیم شہزاد دی کتاب ’’ورلاپ‘‘ کوں ݙتا ڳیا (منصفین: غلام حسین ساجد، رائے محمد خان ناصر، ڈاکٹر نبیلہ رحمان)۔سندھی شاعری: ’’شاہ عبداللطیف بھٹائی ایوارڈ‘‘ انور کاکا دی کتاب ’’پيشانيءَ سان لکيل نظم‘‘ جݙاں جو سندھی نثر کیتے ’’مرزا قلیچ بیگ ایوارڈ‘‘ مشترکہ طور تے اکبر سومرو دی کتاب ’’مراڪش جي گهٽي‘‘ تے ڈاکٹر ریاضت برڑو دی کتاب ’’سنڌي ٻوليءَ ۾ لغت نويسي جو تحقيقي مطالعو‘‘ کوں ݙتا ڳیا (منصفین: مدد علی سندھی، ڈاکٹر شبنم گل، تاج جویو)۔پشتو شاعری: ’’خوشحال خان خٹک ایوارڈ‘‘ سانجھے طور تے جمشید علی جمشید دی کتاب ’’مخونہ کتابونہ‘‘ تے ڈاکٹر کلیم شنواری دی کتاب ’’سخن کدہ‘‘ جبکہ پشتو نثر کیتے ’’محمد اجمل خان خٹک ایوارڈ‘‘ گل محمد بیتاب دی کتاب ’’د اباسین پہ غاڑہ‘‘ کوں ݙتا ڳیا (منصفین: فاروق سرور، اظہار اللہ اظہار، کلثوم زیب)۔بلوچی شاعری: ’’مست توکلی ایوارڈ‘‘ منیر مومن دی کتاب ’’واب شہر انت نہ بوتگنت مانا‘‘ جݙاں جو بلوچی نثر کیتے ’’سید ظہور شاہ ہاشمی ایوارڈ‘‘ ڈاکٹر فضل خالق دی کتاب ’’مر، اوتاک‘‘ کوں ݙتا ڳیا (منصفین: ڈاکٹر ضیاء الرحمن بلوچ، ڈاکٹر عبدالصبور بلوچ، محمد یوسف گچکی)۔سرائیکی شاعری: ’’خواجہ غلام فرید ایوارڈ‘‘ شاہد ماکلی دی کتاب ’’اڄوک‘‘ جݙاں جو سرائیکی نثر کیتے ’’ڈاکٹر مہرعبدالحق ایوارڈ‘‘ رفعت عباس دی کتاب ’’مسخریاں دا میلہ‘‘ کوں ݙتا ڳیا (منصفین: سلیم شہزاد، مسرت کلانچوی، رانا محبوب اختر)۔براہوی شاعری: ’’تاج محمد تاجل ایوارڈ‘‘ سائر سریابی دی کتاب ’’گٹکار‘‘ جݙاں جو براہوی نثر کیتے ’’غلام نبی راہی ایوارڈ‘‘ شہزاد غنی دی کتاب ’’جادوئیا جنت روس‘‘ کوں ݙتا ڳیا (منصفین: طاہرہ احساس جتک، افضل مراد، وحید زہیر)۔ہندکو شاعری: ’’سائیں احمد علی ایوارڈ‘‘ ڈاکٹر خاور چوہدری دی کتاب ’’خالی آسمان‘‘ جݙاں جو ہندکو نثر کیتے ’’خاطر غزنوی ایوارڈ‘‘ پروفیسر ملک ناصر داؤد دی کتاب ’’علامہ محمد اقبال‘‘ کوں ݙتا ڳیا (منصفین: حسام حر، بشریٰ فرخ، محمد حنیف)۔انگریزی نثر: ’’پطرس بخاری ایوارڈ‘‘ محمد اطہر طاہر دی کتاب “Where Cicadas Sing” کوں ݙتا ڳیا (منصفین: محمد سفیر اعوان، ارشد وحید، محمد افسر ساجد)۔ترجمہ: ’’محمد حسن عسکری ایوارڈ‘‘ انعام ندیم دی کتاب ’’غزہ سے ایک اور خط‘‘ کوں ݙتا ڳیا (منصفین: سلمان باسط، ہما انور، ظفر (زیف) سید)۔قومی ادبی ایوارڈ حاصل کرݨ آلی ہر کتاب دے مصنف کوں ݙو لکھ روپے بطورِ انعامی رقم ݙتی ویسے۔(ڈاکٹرسعدیہ کمال)