مکہ المکرمہ۔ 7 اگست(اے پی پی)وزیراعظم محمد شہباز شریف پاکستان، سعودی عرب اتے ترکیہ دے مکہ مشترکہ دفاعی معاہدے تے اطمینان کریندے دعا کیتی اے جو حرمین شریفین دی چھاں ہیٹھ تھیوݨ آلا اے تاریخی معاہدہ آوݨ والیاں نسلاں کیتے امن اتے استحکام دی ڈھال ثابت تھیوے اتے تریے برادر ملکاں دے نال نال پوری امتِ مسلمہ کیتے ترقی، خوشحالی تے فلاح دا ذریعہ ٻݨے۔ جمعے کوں ایکس تے اپݨے …
وزیراعظم محمد شہباز شریف دا پاکستان، سعودی عرب اتے ترکیہ دے مکہ مشترکہ دفاعی معاہدے تے اطمینان
مزید خبراں
مکہ المکرمہ۔ 7 اگست(اے پی پی)وزیراعظم محمد شہباز شریف پاکستان، سعودی عرب اتے ترکیہ دے مکہ مشترکہ دفاعی معاہدے تے اطمینان کریندے دعا کیتی اے جو حرمین شریفین دی چھاں ہیٹھ تھیوݨ آلا اے تاریخی معاہدہ آوݨ والیاں نسلاں کیتے امن اتے استحکام دی ڈھال ثابت تھیوے اتے تریے برادر ملکاں دے نال نال پوری امتِ مسلمہ کیتے ترقی، خوشحالی تے فلاح دا ذریعہ ٻݨے۔ جمعے کوں ایکس تے اپݨے سنیہے اچ وزیراعظم آکھیا جو انھاں کوں سعودی عرب دے ولی عہد و وزیراعظم شہزادہ محمد بن سلمان اتے جمہوریہ ترکیہ دے صدر رجب طیب اردوان نال مکہ مشترکہ دفاعی معاہدے تے دستخط کرݨ دا اعزاز ملیے، دعا اے جو تریے برادر اسلامی ملک جیڑھے ایمان، اخوت اتے امن و سلامتی دے مشترکہ عزم اچ ہک مٹھ ہین، وچال حرمین شریفین دی چھاں ہیٹھ طے پاوݨ والا اے تاریخی معاہدہ آوݨ والیاں نسلاں کیتے امن اتے استحکام دی ڈھال ثابت تھیوے اتے ساݙے تریے ٻھرا ملکاں دے نال نال پوری امتِ مسلمہ کیتے ترقی، خوشحالی اتے فلاح دا باعث ٻݨے۔ وزیراعظم آکھیا جو او بالخصوص فیلڈ مارشل سید عاصم منیر دا مشکور ہاں جنھاں دی انتھک محنت اتے غیر معمولی لگن ایں عظیم مقصد دی تکمیل اچ بے حد اہم کردار ادا کیتے۔
