”ہک اللہ، ہک رسول صلی اللہ علیہ وسلم، ہک قرآن، ہک کلمہ، ہک قبلہ، ہک سنڄاݨ“ پاکستان، ترکیہ اتے سعودی عرب مشترکہ دفاعی معاہدے سانڳے وزارتِ اطلاعات و نشریات دا خصوصی نغمہ جاری

اسلام آباد۔ 7 اگست(اے پی پی)وزارتِ اطلاعات و نشریات حکومتِ پاکستان، پاکستان، ترکیہ اتے سعودی عرب وچال مکہ مشترکہ دفاعی معاہدے دے موقع تے خصوصی نغمہ جاری کر ݙتے۔ نغمے دے ٻول ’’ہک اللہ، ہک رسول ﷺ، ہک قرآن، ہک کلمہ، ہک قبلہ، ہک سنڄاݨ‘‘ تریے ملکاں دے مشترکہ دینی اتے تہذیبی ورثے دی ترجمانی کریندن۔ ایں خصوصی نغمے اچ پاکستان، ترکیہ اتے سعودی عرب دے تاریخی، مذہبی اتے دفاعی تعلقات، باہمی تعاون، اخوت اتے مشترکہ دفاعی عزم کوں موثر انداز اچ اڳونہا کیتا ڳئے۔ نغمے دی ویڈیو اچ خانہ کعبہ اتے قرآنِ پاک دے روح پرور مناظر دے نال نال پاکستان، سعودی عرب اتے ترکیہ دی قیادت، وزیراعظم شہباز شریف دی سعودی عرب اتے ترک قیادت نال ملاقاتاں، پاکستان، سعودی عرب اتے ترکیہ دے قومی پرچم، پاک فوج دے چاق و چوبند دستے وی ݙکھائے ڳئن جیڑھے تریے برادر اسلامی ملکاں وچال اخوت، باہمی اعتماد اتے سٹریٹجک شراکت داری دی ودھ عکاسی کریندن۔ وزارتِ اطلاعات و نشریات دے ٻݨیے ایں نغمے اچ تریے ٻھرا اسلامی ملکاں دے دیرینہ تعلقات، مسلم امہ دے اتحاد، امن، استحکام اتے مشترکہ وژن دی عکاسی، سٹریٹجک شراکت داری اتے باہمی اعتماد دے مضبوط رشتے کوں اڳونہا کیتا ڳئے۔ نغمے نال اے عزم دوہرایا ڳئے جو پاکستان، ترکیہ اتے سعودی عرب اخوت، ایمان اتے باہمی تعاون دے مضبوط رشتے اچ متحد رہسن۔