اسلام آباد۔ 8 اگست (اے پی پی) وفاقی وزیرِ داخلہ محسن نقوی ہنگو اچ عسکریت پسنداں دا بہادری نال مقابلہ کریندیں ہوئیں جامِ شہادت نوش کرݨ آلے کیپٹن حمزہ اکرم شہید کوں زبردست خراجِ تحسین پیش کریندیں ہوئیں سوگوار خاندان نال دلی تعزیت دا اظہار کیتے۔ وزارتِ داخلہ ولوں جاری آپݨے سنیھے اچ محسن نقوی آکھیا جو پاکستان دے بہادر پتر فرض دی ادائیگی دے دوران غیر معمولی جرات دا …
وزیرِ داخلہ محسن نقوی دا ہنگو اچ عسکریت پسنداں نال لڑدیں ہوئیں جان دا نذرانہ پیش کرݨ آلے کیپٹن حمزہ اکرم شہید کوں خراجِ تحسین
مزید خبراں
اسلام آباد۔ 8 اگست (اے پی پی) وفاقی وزیرِ داخلہ محسن نقوی ہنگو اچ عسکریت پسنداں دا بہادری نال مقابلہ کریندیں ہوئیں جامِ شہادت نوش کرݨ آلے کیپٹن حمزہ اکرم شہید کوں زبردست خراجِ تحسین پیش کریندیں ہوئیں سوگوار خاندان نال دلی تعزیت دا اظہار کیتے۔ وزارتِ داخلہ ولوں جاری آپݨے سنیھے اچ محسن نقوی آکھیا جو پاکستان دے بہادر پتر فرض دی ادائیگی دے دوران غیر معمولی جرات دا مظاہرہ کریندیں ہوئیں 7 دہشت گرداں کوں جہنم واصل کر تے انھاں دے مذموم عزائم کوں ناکام بݨا ݙتا۔ وزیرِ داخلہ آکھیا جو کیپٹن حمزہ اکرم شہید دا عزم تے جذبہ قوم دی اصل طاقت اے۔ محسن نقوی آکھیا جو کیپٹن حمزہ اکرم شہید تے ٻئے شہداء دے خون دا ہر قطرہ پاکستان دے تحفظ تے سلامتی دی ضمانت اے۔ انھاں آکھیا جو ملک دے بہادر سپاہیاں دی قربانیاں مادرِ وطن دے امن تے استحکام کوں نقصان ݙیوݨ آلیاں دے خلاف دفاع کیتے انھاں دے غیر متزلزل عزم دی عکاسی کریندن۔ وزیرِ داخلہ محسن نقوی آکھیا جو کیپٹن حمزہ اکرم شہید مادرِ وطن کیتے آپݨی قیمتی جان قربان کیتی اتے شہادت دا بلند مقام حاصل کیتا۔ انھاں ٻیا آکھیا جو شہید تھیوݨ آلے افسر دی ہمت تے لگن قوم کوں متاثر کریندی رہسی۔ وزیرِ داخلہ کیپٹن حمزہ اکرم شہید دے اہل خانہ نال دلی ہمدردی تے تعزیت دا اظہار کریندیں ہوئیں آکھیا جو پوری قوم ݙکھ دی ایں گھڑی اچ سوگوار خاندان دے نال کھڑی اے۔ انھاں آکھیا جو کیپٹن حمزہ اکرم دی قربانی کوں کݙاہیں نئی بھلایا ویسے تے شہید افسر پاکستانی عوام دے دلاں اچ ہمیشہ زندہ رہسی۔
