مدینہ منورہ۔ 8 اگست (اے پی پی) وزیرِ اعظم محمد شہباز شریف سعودی عرب دا دورہ مکمل کر تے مدینہ منورہ توں پاکستان روانہ تھئی ڳئے۔ ہفتے دے ݙینھ وزیراعظم آفس دے میڈیا ونگ توں جاری بیان دے مطابق مدینہ ایئرپورٹ تے گورنر مدینہ شہزادہ سلمان بن سلطان بن عبدالعزیز آلِ سعود وزیرِ اعظم تے پاکستانی وفد کوں الوداع کیتا۔ دورے دے دوران وزیرِ اعظم محمد شہباز شریف، سعودی ولی …
وزیرِ اعظم محمد شہباز شریف سعودی عرب دا دورہ مکمل کر تے مدینہ منورہ توں پاکستان روانہ
مزید خبراں
مدینہ منورہ۔ 8 اگست (اے پی پی) وزیرِ اعظم محمد شہباز شریف سعودی عرب دا دورہ مکمل کر تے مدینہ منورہ توں پاکستان روانہ تھئی ڳئے۔ ہفتے دے ݙینھ وزیراعظم آفس دے میڈیا ونگ توں جاری بیان دے مطابق مدینہ ایئرپورٹ تے گورنر مدینہ شہزادہ سلمان بن سلطان بن عبدالعزیز آلِ سعود وزیرِ اعظم تے پاکستانی وفد کوں الوداع کیتا۔ دورے دے دوران وزیرِ اعظم محمد شہباز شریف، سعودی ولی عہد شہزادہ محمد بن سلمان بن عبدالعزیز آلِ سعود تے ترک صدر رجب طیب اردوان مکہ مشترکہ دفاعی معاہدے تے دستخط کیتے جئیں نال تنھاں ملکاں دے دفاعی تعاون تے برادرانہ تعلقات اچ نویاں جہتاں دا اضافہ تھیسی۔ وزیرِ اعظم دورے دے دوران عمرے دی سعادت وی حاصل کیتی اتے مسجدِ نبوی اچ روضہِ رسول صلی اللہ علیہ وسلم تے حاضری وی ݙتی۔ نائب وزیرِ اعظم تے وزیرِ خارجہ سینیٹر محمد اسحاق ڈار، آرمی چیف تے چیف آف ڈیفنس فورسز فیلڈ مارشل سید عاصم منیر، وزیرِ دفاع خواجہ محمد آصف، وفاقی وزیرِ اطلاعات تے نشریات عطاء اللہ تارڑ تے معاونِ خصوصی سید طارق فاطمی دورہِ سعودی عرب اچ وزیرِ اعظم دے نال ہن۔
