اسلام آباد۔ 8 اگست (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار پاکستان دی حکومت تے عوام ولوں آسیان دے 59 ویں یومِ تاسیس دے موقع تے آسیان دے رکن ملکاں دی حکومتاں تے عوام کوں دلی مبارکباد پیش کیتی اے۔ ہفتے دے ݙینھ دفترِ خارجہ دے مطابق نائب وزیراعظم آسیان ڈے دے موقع تے آپݨے سنیھے اچ آسیان دے سیکرٹری جنرل ڈاکٹر کاؤ کِم ہورن …
پاکستان ایشیا بحرالکاہل دے خطے اچ امن، استحکام تے خوشحالی دے فروغ اچ آسیان دے کلیدی کردار کوں قدر دی نگاہ نال ݙیکھدے، نائب وزیراعظم محمد اسحاق ڈار دا آسیان ڈے دے موقع تے سنیھا
مزید خبراں
اسلام آباد۔ 8 اگست (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار پاکستان دی حکومت تے عوام ولوں آسیان دے 59 ویں یومِ تاسیس دے موقع تے آسیان دے رکن ملکاں دی حکومتاں تے عوام کوں دلی مبارکباد پیش کیتی اے۔ ہفتے دے ݙینھ دفترِ خارجہ دے مطابق نائب وزیراعظم آسیان ڈے دے موقع تے آپݨے سنیھے اچ آسیان دے سیکرٹری جنرل ڈاکٹر کاؤ کِم ہورن کوں وی آسیان دے علاقائی تعاون، استقامت تے خوشحالی دے وژن کوں اڳوں ودھاوݨ کیتے انھاں دی مثالی قیادت تے ثابت قدم کوششاں تے مبارکباد پیش کیتی۔ انھاں آکھیا جو آسیان دے اتحاد، یکجہتی تے تعاون دے ایں پائیدار جذبے دی عکاسی کریندے جیں جنوب مشرقی ایشیا دیاں اقوام کوں باہم متحد کیتے۔ نائب وزیراعظم آکھیا جو پاکستان آسیان دے دوستاں دے نال ایں اہم ݙینھ دی یاد منیندیں ہوئیں خطے دے نال آپݨی دیرینہ دوستی تے شراکت داری دے عزم دا اعادہ کریندے۔ انھاں آکھیا جو جنوب مشرقی ایشیائی ملکاں دی تنظیم (آسیان) علاقائی انضمام تے اجتماعی ترقی دی ہک قابلِ ذکر مثال دے طور تے ابھری اے جئیں اقتصادی ترقی، سماجی ہم آہنگی تے سفارتی رابطیاں دے شعبیاں اچ نمایاں کامیابیاں حاصل کیتن۔ سینیٹر محمد اسحاق ڈار آکھیا جو پاکستان ایشیا بحرالکاہل دے خطے اچ امن، استحکام تے خوشحالی دے فروغ اچ آسیان دے کلیدی کردار کوں قدر دی نگاہ نال ݙیکھدے، آسیان ڈے علاقائی تعاون دی اہمیت دے اعادے دے نال نال جنوب مشرقی ایشیا دے بھرپور ثقافتی تنوع تے تاریخی ورثے کوں اجاگر کرݨ دا وی موقع فراہم کریندے۔ انھاں آکھیا جو آسیان دے نال پاکستان دے تعلقات آپسی احترام، عدم مداخلت تے تعمیری رابطیاں دے اصولاں کیتے اساݙی مشترکہ وابستگی تے استوار ہن۔ نائب وزیراعظم آکھیا جو ودھدے ہوئے عالمی چیلنجز تے غیر یقینی صورتحال دے موجودہ دور اچ آسیان دا اتحاد تے ڳالھ مہاڑ، آپسی مفاہمت تے پُرامن تعاون کیتے ایں دا ثابت قدم عزم خصوصی طور تے قابلِ تحسین اے۔ انھاں آکھیا جو آسیان علاقائی انضمام تے کمیونٹی سازی دے سفر کوں جاری رکھے ہوئے اے جڈانجو پاکستان ہک پُرامن، خوشحال تے مربوط خطے دے مشترکہ وژن کوں اڳوں ودھاوݨ کیتے آسیان دے نال قریبی تعاون جاری رکھݨ دے عزم تے قائم اے۔
